Deporte
Brazil a dominá fásil pero ta den di dos tempu numa gol a kai
DOHA (C) – Ayera e ekipo di Brazil a debutá den Mundial 2022 I tur hende ta pendiente di esaki pa wak kon e ekipo ku ta ser pinta komo e favorito di e mundial aki lo ranka sali.Esaki debí ku dos grandi a kai kualnan ta Argentina I Alemania
E ekipo di Brazil a hunga ku algun hungadónan ku tin balor hopi haltu riba merkado.Esaki debí ku tur ta hunga den ekiponan di nòmber na Oropa. Vinicius Junior ta esun ku su balor ta di 120 mion euro.
Den tereno ta tin Neymar ku tambe tin balor di 75 mion euro.
Ta tin Richarlison, Raphinia, Antony, Rodrigo, Gabriel Jesus i Martinelli.
Esaki ta algun di e hungadónan ku ta riba tereno
Tur e hungadónan aki a subi pa enfrenta e ekipo di Servia, E ekipo aki no a baha kabes I sigur no den e promé tempu,. Den promé tempu nan a bende nan kueru karu,
Pero den di dos tempu bo por a mira ku e preshon di parti Brazil ta hopi pa nan I kansansio a manifestá tambe
E ekipo di Servia sabiendo ku e atakantenan aki ta fuerte a pone 5 hungadó den defensa I yuda pa e portero ku sigur a sòru pa tapa algun tiru I evitá ku gol ta kai den promé tempu
Pero den di dos tempu por a mira un show di e ekipo Brazil. Vinicius ta move rápido I tambe e otro banda e hungadó Raphinha ta pone e peliger dilanti gol di Servia
Brazil ta ataka I bo por a mira ku e gol ta den laira.E preshon ta demasiado .Tabata un avanse di Neymar kende ta pasa bala pa Junior I esaki ta los un tiru ku e portero ta rechasá I aki e bala ta bin serka Richarlison kende no ta tin muchu kos di hasi di djis tik e bala den gol
Despues ta e mesun hungadó aki Richarlison kende ku medio chalaka ta nota un bunita gol p’asina hasi e wega 2-0 Brazil ta sigi preshoná pero no ta logra mas gol
Un bon presentashon di e ekipo Brazil.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
