Deporte
Bon notisia “Shon’Sira”: Bravos ta aktivá Kenley Jansen mañan !!!
Deporte 5 Star semper tin e kosnan un dje promé nan, ta p’esei “Shon’Sera” no ta pèrdè su 5 Star, i meskos ku masha hopi hende tur atardi ta buska nan deporte 5 Star pa lesa i pasa un restu di dia kontentu. Informashon ku deporte 5 Star a haña serka nos amigu/ruman Dr. Wallid Elhage ku ta amigu personal di Kenley Jansen, ta indiká ku Bravos di Atlanta lo aktivá e closer YDK mañan dia 13 di yüli, dia ku e tabata eligibel pa bandoná Il-15.
Manera ta konosí Kenley a wòrdu interná pa un intervenshon na kurason debí ku su kurason tabata bati den forma iregular.
Tur kos a bai bon danki na Señor, i segun Dr. Wallid a bisa nos ku Kenley mañan lo ta kla pa pitcha pa su tim Bravos di Atlanta.
Segun 5 Star a lesa entre e informashonnan di Atlanta, Kenley a tira den bullpen ayera i ta mustra “ready to go”.
Riba e pregunta na Dr. Wallid konta ku Kenley ??
E la kontesta:”Hopi Bon !!”…
Dr. Wallid i Kenley ta komuniká kasi tur dia, i 5 Star i Wallid tambe kasi tur dia !!
“Shon’Sira”, sigui kumpra bo NOBO tur atardi, no fia !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
