Deporte
Arslanbek Makhmudov e Heavyweight mas temibel na mundu ?????
E promotor di bòkseo Camile Estephan ta bisa ku e bòksdó Rusiano Arslanbek Makhmudov tin un sla ku por sakudí Wembley Stadium, i ku e bòksdó peso pisá Tyson Fury i Anthony Joshua tur dos ta evitá un konfrontashon kuné.
E promotor ta bisa ku Makhmudov tin un sla ku tur heavyweight tin miedu di dje.
E bòksdó rusiano invikto su nòmber di bòksdó ta “The Lion”.
Siman pasá na Mexico City e tabatin mester di apénas 30 sekònde pa kaba un pelea.
E tin 11 pelea bringá, e la gana tur i apénas un a yega 3 asalto. Segun e promotor, e bòksdó rusiano tin un sla ku no únikamente ta hopi fuerte, pero eksplosivo ku por pone kualke rival drumi. Arslanbek lo defendé su titulo di NABF fin di sèptèmber i su promotor ta bisa ku e ta kla pa tur faha.
E bòksdó ta atvertí tantu Tyson Fury komo Anthony Joshua, pero no sa ki dia nan lo ke kompartí ring kuné.
E la bringa siman pasá, pero promé ku esei e tabatin 10 luna sin bringa paso no tin muchu bòksdó ku ta deseá di bringa kuné.
“Mi ta kla pa bringa tur heavyweight, i bira kampeon mundial.
Mi ke bringa e mihónan di divishon”, e la deklará. Joshua lo defendé su tres fahanan dia 25 di sèptèmber kontra di Oleksandr Usyk, i Fury ta bringa 9 di òktober vs Deontay Wilder.
E promotor di e rusiano ta pensa ku su bòksdó ta kla.
“E no ta bai haña pelea fásil paso e ta dal sumamente duru, pero e ta kla, kla pa kualke bòksdó,inklusive e kampeonnan”, asina e promotor a deklará.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
