Lokal
Aporte di un Vishonario na Programa di Gobernashon!
WILLEMSTAD. Si ta bon,ya pa algun dia tin desenas di kopia di un plan vishonario ta sirkulando den tres sektor ku ta pilar di nos bida sosial i ekonomiko ku ta gobiernu,sektor privá i sektor industrial.
Ta trata di un dokumento kual su outor ta Ronald J . Ortela, presidente di Aquafund Holdings Group kende a produsi un plan maestro ku por sirbi komo aparte pa traha e programa di gobernashon di gabinete Pisas òf ku lo bai resultá den lachi di olvido manera ta pasa ku hopi idea i proyekto ku gruponan individualnan ta aparte pero ku ta di un kontenido intelektual muchu haltu pa nos politiko mandatarionan.
Ela reuni un variedat di tema riba un kantidat mas grandi di tereno pa pinta su ideanan kon por konverti Kòrsou den un pais moderno i progresivo apesar di tempu malu.
Un instrumento ku ela sugeri ta pa gobiernu legalisá herensianan di tereno ku tin desenas di aña pará pòrnada i desaroya esakinan.
Por ehempel por usa e terenonan aki pa ampliashon dje parke di mulina na Tera Korá, San Pedro te Ascencion Baai.
Lanta un residensia tipo resort di bungalow na kosta nòrt for di Tera Kòrá te Ascencion Baai.
Krea un teritorio di kashinan agrario dilanti di e plateau na Vlakte di Hato te Ascencion.
Instalá generadornan di reserva ku ta funshoná riba LPG (gas) pa koriente i enchufe pa karga outo elektroniko na tur kas. Konstrui kuater plataforma di Reverse Osmosis pa fabrikanan di awa konverti awa di laman den awa dushi na Bullenbaai, San Pedro Pabou, Playa Sta. Cruz i Playa Grandi (Wacao – Patrick West).
Introdusi teknologia di generador di awa atmosferiko industrial pa kada bario ku konekshon pa kushina mientras ku bañonan, twalèt, mashin di laba paña i irigashon pa muha mata lo sosode via di ret di distribushon eksistente ku ta konekta na e plataformanan ku ta konekta riba e plataformanan di osmosis loke na su turno lo fungi komo plantashi di mata i palu riba e plateau di Banda Bou pa mehorá e nivel di awa bou di tera na Bandabou.
SOLUSHON
REVOLUSHONARIO
PA TRAFIKO
Denter di e plannan tin pa konstrui un karetera di dos banda entre Klein St. Michiel via Bullenbaai, pa Weg naar San Willibrordus.
Krea un karetera di kuater banda di Rotonde Hato via Vlakte van Hato pa un Rotonde na Ascencion.
Konstrui un Aventura May na Daniel, Weg naar Willibrordus, Bullenbaai.
Introdusi aplikashon di Unmanned Aerial Vehicles (drone i camcopter) pa kombati kriminalidat i entrega di servisio i merkansia.
Desaroya un Eco Resort Project na Bartol Baai i traha un di dos èrport pa avioneta deportivo i drone na Savonet.
Bullenbaai mester bira tereno industrial i K-Zona i prepara San Nicolas Baai komo area di vivienda i turismo igual ku Sta. Martha Baai.
Desaroya e teritorio di Kleine Berg te Landhuis Daniel den un Mini City komersial stail di Halabi Real Estate.
Krea nu Mono Rail manera tin na Miami for di Megapiernan na Rif te Westpunt.
I masha importante: kuminsa planea pa introdusi uso di vehikulonan elektriko entrante 2022.
Tur esaki ta eksigi pa hende kompetente traha riba dje pero ta p’esei mester forma un konseho distrito di komo 50 persona ku lo dediká su mes na esaki.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
