Deporte
Apesar di tin hopi “Enemigu”: “Papa’Dios” tin su man riba Sòftbòl Femenino !!… Awe ta bai pa Plata !!
Sòftbòl Femenino di Kòrsou i Antia ta sakando kara pa años, apesar di esei algun deporte ku awor a sa ku hende muhé por práktika nan deporte di tur manera a trata di kita sòftbolista for di CSB. Sinembargo Papa’Dios ta ku sòftbòl di Kòrsou. Apesar di tur kos, di un preparashon kòrtiku paso no tabata sigur ku nos tin hungadó di nivel sufisiente, nos sòftbòl a bai Sur Amerikano na Argentina i awe lo hunga pa medaya di Plata despues ku ayera nos muchanan a gana di Peru 7-1.
J’Dah Girigorie, speransa di nos sòftbòl femenino fastpitch a bai distansia kompleto i e orguyo di “Win” Joanna Benita a bai di 3-2 pa yuda nos selekshon gana i sigurá por lo ménos un bròns.
Un triunfo importante ku ta manda e mensahe pa tur dirigente ku ke trata na kibra sòftbòl, ku sòftbòl femenino ta na bida, i no trata di “kibra” loke Dios tin su man riba dje. Danki na BANKO AMIGU MCB ku a para duru tras di sòftbòl den tempu difísil. Nos muchanan awe lo topa ku Argentina, i ganando nos ta bai final vs Brazil.
Éksito !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
