Lokal
Antianonan mes a krea status di siudadano di segunda kategoria
ZWOLLE – Den añanan ‘60 e promé gruponan di Antiano a biaha masalmente pa Ulanda prinsipalmente pa bai studia i un dje siudatnan favorito tabata Zwolle.
Despues e situashon a kambia i e hobennan problematiko tambe a deskubri e ruta pa Ulanda i e situashon a kambia i hobennan problematiko Antiano a bira notorio i e promé inisiativanan ta nase pa purba di kambia e tendensia.
Franklin Francinet na 1965 tabata un dje promé Antianonan ku a establesé na Zwolle i e guia ku ela haña pa tin eksito tabata bon.
Antianonan tabata visibel riba kaya i na skolnan pasobra apenas tabatin hende pretu na Ulanda i mesora bista di hende tabata kai riba nan.
Di akuerdo ku reportahe di Pieter Hofman, mayoria di Antianonan ku a bai Zwolle tabata pa studia. Hendenan trankil ku rapidamente a integra den komunidat pasobra nan a bin Zwolle pa studia i kumpli ku nan meta.
Juliana van Thijs e tempu ei tabata un trahadó sosial ku a konosé hopi dje Antianonan ei.
Dia Shell a sera su porta na1985 hopi famia a pèrdè nan entrada. Un parti dje grupo aki no a pèrdè pa gana i a drenta avion bai Ulanda di kual un parti a baha na Zwolle,
Franklin Francinet ta konta ku hopi dje famianan di Korsou no tabata sufisiente prepara pa bida na Ulanda.
Francinet ta konta ku nan tabata haña pago sosial rapidamente i ken ku no tabatin entrada na Kòrsou tabata mira un biahe pa Ulanda komo nan solushon.
Nan tabata haña kas rapidamente i
mayoria dje famianan aki a haña kas den e bario Holtenbroek.
PROB LEMANAN
Un parti di e Antianonan aki no por a adapta nan mes. A sigi desemplea, kita for di skol i sifranan di kriminalidat a subi speshalmente entre hobennan.
Molèster riba kaya, bringamentu tiroteo tabata al orden del dia.
No ku te hobennan Antiano tabata e uniko hobennan problematiko pero henter komunidat Antiano i munisipio tabata preokupá.
Nan a sera kabes pa huntu krea un maneho Antiano pa kontrolá e problemanan i manera e trahadó sosial pa hobennan Andy Kirchner a konta ku esei no a logra.
E arogansia ulandes ku sabelotodo tabata kibra e hobennan Antiano den tòm. E ulandes no tabata asepta diversidat i nan vishon i presupuesto no tabata pèrmiti nan mira proyektonan eksitoso pa hubentut.
Nan tabata dump e hobennan den Holtenbroek ku a bira un berdadero bario problematiko.
BUSKANDO
AYUDO
Na 2009 a lanta e organo di konsulta Zwocan pa ulandesnan karibense i Van Thijs ku Francinet a bai yuda pa kombati e problemanan. Nan tabata orientá trahadó sosial i polisnan ku kursonan di idioma i trahadó sosial. Nan kier a empodera e Antianonan pa nan sigui nan igual ku e ulandes i nan tabata organisa enkuentronan informativo pa Antianonan pero nan no tabata popular. Loke nan tabata gusta ta un ambiente krioyo ku ta hunga domino pero ku esei bo no ta bai dilanti den bida. Pero ta depende tambe di e deseo di e Antiano si e ta logra.Por ehempel e kaso di un hoben señora ku a sigi kurso di ulandes i ku resientemente a gradua i por a defende su mes den bida.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na [email protected].
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Wowo di mundu ta dirigí riba Karnaval di Kòrsou
Hóbennan a midi forsa den kompetensia di estímulo organisá pa federashon di karate
Celfriedt Homoet (dfm) lo bisa: “Ban Kòrsou numa !!”…
Ainda: FFK tin di paga “Security” mas ku 30.000 FL…
