Awe mainta m’a skucha mi yu/amigu/kolega Calili Ruiter papia di nos pre/selekshon di futbòl konvoka pa Remco Bicentini. M’a haña Calili kisas poko suave. M’a keda kontentu ku e la yamami tambe “off-air” despues di programa pa nos a interkambiá. Loke, segun mi e kier a bisa, Taffy de Jongh a bisa semper. Nos ta un isla chikí ku tin su limitashon.
Nos ke yega mundial di futbòl, tin hende ta pretendé un kantidat di kos, pero e realidat ta otro. Nos no tin sufisiente talento pa yega kaminda ku nos ta soña di yega i nos lo muri bai sin mira esei sosodé, kisas Calili ku ta poko mas hóben na su “viejes” lo por mira esei sosodé.

Ni maske nos bini ku Pep Guardiola, asistí pa Xavi aworakí ta imposibel. E muchanan ku nos tin ta biba i lanta den futbòl Ulandes ta drumi wak ku nan por haña konvokashon serka “Oranje” i si esei nos sosodé podisé nan por skohe pa nos. Ta manera Tata di Calili ku ta Don Carlos Ruiter lo bisa “flèt”, “Nos ta haña kachi’kachi”.
Un amigu dimi, hòmber di deporte a manda un “app” pami relashoná ku e konvokashon di Remco Bicentini ku kasi por a konvoka Sidney Bito i Humphrey “Baartje” Koots tambe.
E tin rason !!

Nos tin di stòp di gaña nos mes.

Nos tin di biba ku nos realidat, tin kos ku mester keda na “soño”….
Si nos muchanan ku ta hunga bon, stima nos ???
Si, pero nan tin di wak nan mes, paso djis a yega momento kubo no por hunga bala mas, pero si bo tin di kome i mantené bo bida na un nivel haltu.
Ta esei ta realidat !!