Deporte
Algun informe futbòl lokal: Debe di FFK ta mahos…. U-17 pa Aruba…
5 Star a kombersá ku hendenan hopi serka di nos futbòl, i nan ta bisa ku e sityashon finansiero di FFK ta alarmante. Ounke tin hende ke ta kouteloso, bo ta tende ku FFK debe “tur hende”….
Nan ta bisa ku e $ 40.000 ku mester a paga un kompania di aviashon venezolano a yuda hinka nos federashon di futbòl den mas problema.
Manera 5 Star a skibi ayera, FFK debe e “Security” di nos amigunan Bito, te ku nan tin problema pa paga nan trahadónan. Tambe segun 5 Star a komprondé ku FFK tin debe na Jong Holland di algun mil florin.
E situashon ta realmente alarmante…
· Tin informashon ku e fin di siman aki un selekshon mucha muhé U-17 lo tin di partisipá na un kompetensia na Aruba…
· Tambe nos ta pendiente pa selekshon U-17 mucha hòmber.
Algun hende a bisa 5 Star ku nan ta kere ku mester a duna HENRY CALDERA e selekshon ei, paso mayoria dje muchanan ta hunga serka dje i e konosé.
Five Star a komprondé ku esei tòg no tabata e kaso….
Henry Caldera apesar di ta tremendo persona tin manera malasuerte, paso a manda saka e gran hòmber di futbòl aki for di tribuna di honor.
Inkreibel, siendo ku no tabatin mester.
Un abuzu di PODER repudiabel ku ta hasiendo hopi doló entre esnan ku stima deporte. Henry no meresé esei sigur, siendo un hòmber intachabel, riba i for di tereno…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
