Deporte
Alarma Na Radio Krioyo: Darwin no por haña “Nal” niun kaminda… Blue Jays-28, Boston-5…
Deporte 5 Star a kombersá awe mainta tempran ku amigu Darwin Gregg ku tabata basta preokupá pa su bròder Rignald Maduro.
For di ayera nochi e no sa unda “Nal” ta.
Gregg tambe a tende ku Blue Jays a bati Red Sox 28-5, pero e no sa kiko por a pasa ku su trahado fiel Rignald Maduro.
“Nal” ta pèrdí…
Tin basta preokupashon na Radio Krioyo, último biaha ku nan a mira “Nal” tabata den un grupo di hende bistí na kora, nan a identifiká den e grupo ei tambe: “Toncha” Simmons, Mesiña Pulgar i Ivan Zamuco.
Ora kier a yega serka di nan, nan a “plama paña” i kore limpi bai.
Blue Jays a bati 29 hit pa gana 28-5, e rekòrt den baseball di Grandes Ligas pa loke ta skor grandi ta di 36-7.
Raimel Tapia a dal grandslam den tereno i empuhá 6 kareda, Danny Jansen tambe a empuhá 6 kareda pa Blue Jays.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
