WILLEMSTAD (C) – Den un stadion lata lata i no ta tin luga mas pa pone hende . Yen fanátiko di futbòl esnan lokal pero tambe hopi hulandes ku ta biba aki riba a bai e wega aki.
Sigur un ambiente dushi i animá ta tin den stadion pa por mira Ajax den akshon kontra di un tim forma ku algun hungadó ku ta hunga den eksterior i ku a bin aki nan pa hunga.
Ajax sigur a duna kátedra di hunga bala. Es mas ta lógika ku e ekipo di Ajax ta den mihó forma i mihó akoplá. E promé 15 minütnan nos ekipo a sali brabu i ta ataka na vários okashon riba e arko di Ajax i nos sigur a desperdisia algun chènsnan klave pa por skor.
Pero ta netamente nos tim a Sali nota e problema i asina bai dilanti.

Ajax despues di un ratu a disidí di kambia kasi tur hende riba vèlt
For di e momentu ey nos a haña nos ku un Ajax ku mihó kordinashon i tambe e posishon di bala nan i pasenan korekto ta hasi gala di nan futbòl .

Esaki a pone ku nan a empatá i despues bai dilanti ku otro gol Na haf ya kaba nan ta dilanti den skor 3-1.

Den di dos tempu e ekipo di Ajax a mustra kon nan por dominá henter tereno na nan antoho.
E tim di Kòrsou ta tin algun bon atake pero e portero na sigur 3 okashon a trese salbashon
Sigur un partido ku tur esnan den stadion por a disfrutá di dje.

Paso hopi lo ke a mira Ajax den akshon.
Anto e timing ta bon paso ta nèt ora ku ela kaba di bira kampion di Hulanda.
Loke si nos a sinti falta ta ku kisas mester pone hendenan kana i bebe ko’i bebe. Esaki pa evitá ku un hende ta lanta i kana bai para den rij pa kumpra ko’i bebe i kome
E ekipo di Ajax a hunga tremendo i a sa di gana ku skor di 5-1.
AS Roma a gana 3-0 di Torino.
E ekipo di AS Roma ayera a logra gana ku skor di 3-0 di e ekipo di Torino. E viktoria aki di AS Roma a pone ku kasi tur hende na Rotterdam ta di fiesta .
Esaki debí ku Feyenoord a pone su mes sin hunga den e fase di grupo pa e liga Oropeo..Esaki nan por yama danki na AS Roma.
Feyenoord ku di tres luga den Ere divisie, esaki ta nifiká ku nan ta garantisá pa hunga liga Oropeo.