Deporte
Ainda no tin fecha definitivo: Den Novèmber “Kingdom Series”.. 8 Dia di baseball ku 70 pelotero…
• 5 Star a komprondé ku e Genetal Manager di Baseball di Reino i di Ulanda e eks pitcher profeshonal Sr. Rick van den Hurk i algun dirigente di baseball di Ulanda tabata na Kòrsou resientemente.
Nan a reuní i kombersá tambe ku ehekutivonan di baseball di Kòrsou.
Segun 5 Sgtar a komprondé tur kos ta kanando manera Jeffrey Martina ta bisa,”Den Gran Forma” pa os haña aki na Kòrsou den luna di novèmber 8 dia di baseball.
5 Star a komprondé ku ta pensando riba mas o ménos 70 pelotero di: Ulanda, Kòrsou i Aruba pa traha algun tim i pone nan hunga kontra di otro.
Entre e peloteronan lo tin pelotero profeshonal, pelotero ku ta bai skol na Merka, pelotero ku ta hunga na Ulanda i tambe amatùr na Kòrsou.
Ya dirigentenan di baseball di Reino a kombersá ku un prestigioso hotèl na Kòrsou kaminda ku lo hospedá e peloteronan i dirigentenan pa e “Kingdom Series”.
Ainda lo tin di pone fecha pa e 8 dianan di kompetensia.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
