International
Adolesente (17) a puñala i maltratá su Mama debí ku e no kier a limpia su kamber
BOCA RATON – Evander Collier hefe di kuerpo polisial na Cocoa Beach a konfirmá ku polis a logra detené un adolesente identifiká komo Tobías “Toby” Jacob Brewer (17) pa maltrato, intento di asesinato riba su mama.
Kiko a pasa ta ku Tobías “Toby” Jacob Brewer ta un hóben violento ku no tin ningun klase di rèspèt pa su mama.
Diariamente Tobías “Toby” Jacob Brewer ta intimidá i eksigí di su mama pa e limpia su kamber i dune yabi di su outo pa e por sali keiru ku su amigunan.
Mama di Tobías “Toby” Jacob Brewer a ninga su petishon i esaki a pone ku e adolesente a rabia i dale un moketa basha abou pa despues bai kue un kuchú den kushina i puñale.
Tobías “Toby” Jacob Brewer a bai laga su mama drumi den un baño di sanger i pa kolmo a kue sèn for di su tas
i bai ku su vehíkulo tambe.
Rumannan di Tobías “Toby” Jacob Brewer a yama polis i informá kiko ela hasi ku asina a bin start un persekushon riba e outo ku e adolesente kriminal a joyride.
Evander Collier a splika a patruya na Cocao Beach a interseptá Tobías “Toby” Jacob Brewer den kaya i a bin logra detené huntu ku algun di su amigunan.
Tobías “Toby” Jacob Brewer su kaso lo keda trata komo adulto pa atrako, maltrato i intento di asesinato.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
International
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
