Deporte
Nos selekshon nashonal kategoria U-15 ta kla: Pa e 2024 Concacaf Girl’s under-15 Championship ku lo tuma lugá Dia 5 pa 11 di Ougùstùs na Trinidad & Tobago!
WILLEMSTAD – E siguiente selekshon ku lo representá Kòrsou lo ta nos selekshon nashonal femenino kategoria.
U-15 ku ta preparando pa e CONCACAF Girl’s Under-15 Championship.
Nos selekshon, bou di guia di Gamal Douglas i Joël Victoria, tin vários luna ta praktikando pa nos partidonan di e torneo aki ku lo tuma lugá na Trinidad & Tobago di 5 pa 11 ougùstùs 2024.
Un total di 36 pais lo partisipá na e torneo aki ku a keda repartí den 3 liga, abase di nan puesto riba e tabla di posishon di CONCACAF. Liga A ta partí den 2 grupo di 4 pais, liga B den 4 grupo di 4 pais miéntras liga C tin 3 grupo di 4 pais.
Kòrsou ta partisipá den liga B grupo C huntu ku Trinidad & Tobago, Antigua & Barbuda i Grenada.
Di 5 pa 9 di ougùstùs lo tin e partidonan preliminar i dia 11 di ougùstùs lo tin e partidonan di semi final i final di e torneo aki.
Mas ku klaro Kòrsou ta kontinuá ku e preparashonnan pa duna un bon presentashon durante nos partidonan di e 2024 CONCACAF Girl’s Under-15 Championship ku ta tuma lugá na Trinidad & Tobago.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
