International
Merikano sospechoso di asesiná DJ Colombiana kaptura na Panama

PANAMA – For di siman pasa un merikano identifiká komo John Nelson Poulos (35) a sali ku su pareha Valentina Trespalacios (21) kende ta un konosido DJ na Colombia.
Algu a bai kompletamente robes entre Valentina Trespalacios i John Nelson Poulos ku pa djadumingu un persona a bin diskubrí su restunan den un baki di sushi na un luga bandoná na Bogota.
Familiarnan a informá polis ku e último persona ku tabata ku Valentina Trespalacios ta su pareha merikano ku a keda identifiká komo John Nelson Poulos.
John Nelson Poulos a logra bandoná Colombia riba un buelo i a yega Panama djaluna riba un buelo for di Bogota.
Poulos a keda Panama algun dia pa prepará su eskape rumbo pa Turkia.
Lokual ku John Nelson Poulos no a tene kuenta kuné ta ku tabatin un órden di kaptura internashonal di Interpol riba su persona.
Ta manera ela trata na aborda su buelo ku Turkey Airways ayera na Aeropuerto Internacional de Tocumen agentenan di Interpol a detené.
Den e kaso aki outoridatnan na Panama a detené John Nelson Poulos i ta atendé ku su dokumentashon pa ekstradite pa Colombia kaminda e tin ku bai duna kuenta i rason dikon ela asesiná Valentina Trespalacios.
International
Hamas a konfirmá ku nan lider a keda asesiná pa un misil na Iran

TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
International
Antony Blinken a afirmá ku Merka no ta impliká den asesinato di Ismail Haniyeh

WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
International
Maduro ta vinkulá: Lider di Tren de Aragua responsabel den e protesta kontra resultado ofisial elektoral

CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.