Deporte
Pronto: Bon notisia pa Boka Sami ?????
• Five Star ta keda 5 Star i ta kaminda tur atardi e kurason di deporte ta bati ku alegria.
Un amigu di nos di e bario di Boka San Michiel ku tur atardi ta lesa su deporte 5 Star a sigurá nos ku ta bai tin un bon notisia den e próksimo dianan.
5 Star ku naturalmente tabata ansioso pa sa kiko no por a haña nada mas serka e fiel lesadó di nos korant ounke kiko no a hasi.
5 Star a trata di haña Siegfriedt, “Pipi” Constancia pa kisas tende kiko ta e bon notisia ku ta na kaminda pa e bario, pero tabata imposibel.
Parse ku “Pipi” ta “full” trahando pa trese algun refuerso pa e tim Saminero i su man ta yen.
Otro amigu di nos di Boka San Michiel ku ta Richard, “Shen” Martina posiblemente okupa ku Festival di Tumba no a kontesta nos yamada.
Di tur manera 5 Star nunka sa faya, ya ku nos fuentenan ta hende ku tin hopi amor pa e korant aki ku pa años ta informá nan, i tene nan kontentu ku deporte.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
