Deporte
Yadier Molina, kende a manehá Magallanes: “Baseball Venezolano a dai dilanti”… ..E lo ke regresá…
Yadier Molina ku a finalisá su karera den baseball di Grandes Ligas a kuminsá un trajektoria komo dirigente. Yadier Molina a dirigi e tim di Magallanes di Valencia, i ounke ku e tim di Magallanes no a logra pasa pa final, e borikua por mira atras riba un bon temporada.
Yadier Molina a bisa ku e tim a batayá, i ku na su opinion nan tabata hopi uni te na último.
E estrea catcher kandidato pa drenta Salon di Fama a gusta e baseball Venezolano. Yadier Molina a gusta loke e la mira na Venezuela.
“E kampeonato tabata fuerte.
E timnan kasi tur tabatin Big Leaguer ku a hunga i e nivel tabata hopi bon”, asina Yadier Molina a deklará.
E eks catcher di Cardenales a bisa ku e lo ta kla pa regresá si nan ta deseá esei. “M’a disfrutá, i m’a gusta loke ma mira na Venezuela. E baseball a bai hopi dilanti”, asina Yadier Molina a bisa.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
