Deporte
Awor ku Benintendi i Brantley a firma: Yankees lo por firma Jurickson “AnyTime”…
New York Yankees su deseo tabata pa firma Andrew Benintendi i trese bek, ounke huntu ku Yankees e no a hunga manera nan a pensa. Sinembargo Benintendi a yega na un akuerdo ku Chicago White Sox i Yankees ta studiando otro opshon.
Michael Brantley tambe tabata den plan pa Yankees, pero e la firma ku Astros di Houston bek.
E dos outielder ku mas nan ta papia di dje pa Yankees firma ta Michael Conforto o e YDK Jurickson Profar.
5 Star a komprondé den kombersashon ku Jurickson algun siman pasá ku Scott Boras lo tabatin kontakto tantu ku New York Yankees, komo New York Mets. Padres tambe tabatin interes ketu bai pa trese bek.
Segun prensa di New York, Jurickson ta riba e “radar” di Yankees.
Yankees no ke habri den leftfield ku Aaron Hicks.
E Venezolano Oswaldo Cabrera lo tin di keda komo suplente di infield i outfield. E problema di Hicks ta, ku e tin salario di $ 10.000.000 pa 3 temporada mas i nan lo no haña tim pe den un kambio.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
