Deporte
Kenley Jansen, closer nobo di Red Sox: “Fenway ta ponebo sintibo mucha bek”…
E closer YDK Ken Jansen ku a firma pa 2 temporada ku Boston Red Sox pa $ 32.000.000 ta hopi kontentu di djòin e organisashon di Boston.
E la bisa ku ta un organisashon di historia.
Kenley a pitcha 3 biaha den Fenway Park i a disfrutá dje atmósfera.
“Ora bo ta den Fenway Park bo ta sintibo mucha bek.
Ta hopi great di a djòin e famia di Red Sox ku tin ganamentu komo prioridat.
Ta un motibu pa traha duru tur dia, i ta mas mihó posibel riba tereno.
Hopi kontentu di ta aki”, KJ-74 a deklará.
Kenley ta e lider di wega salbá di Liga Nashonal den 2022 ku 41 “Save”, i efektividat di 3.38 den 64 inning pitchá.
Red Sox a pone énfasis riba nan bullpen.
Fuera di Kenley Jansen nan a firma Chris Martin i Joely Rodriquez.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
