Deporte
Ku triunfo 4-2 riba Bahamas: Kòrsou su baseball ta bek den C.A.C….
E selekshon di baseball di Kòrsou manehá pa Hainley Statia a finalisá na di tres lugá ofisialmente di e di kuater Kopa di Karibe organisá pa Cocabe, i ta klasifiká pa Juegos Centro Americano y del Caribe ku ta tuma lugá na El Salvador.
Puerto Rico ku a bira kampeon dje torneo tambe ta klasifiká.
Cuba ku a finalisá na di dos lugá ya tabata sigurá di partisipashon na Juegos Centro Americano di El Salvador.
Baseball di nos asina ta bek den e kompetensia deportivo regional di mas grandi.
Komo Antia Ulandes nos a yega di gana medaya ku e deporte di baseball.
Nelmerson Angela a habri e wega ayera pa Kòrsou i tira den gran forma te final.
Kòrsou tabata atras den e wega 2-0, pero a bini bek pa gana ku skor di 4-2.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
