Deporte
Komo e hombernan prinsipal huntu ku FDOK: Lennert i Juny ta bek na kabes di selekshon…. …Training ta start pronto…
Lennert Angela ta bek komo e hòmber prinsipal di nos selekshon di sòftbòl femenino fastpitch ku lo kompetí na Virgin Islands na fin di febrüari pa un lugá den Juegos Centro Amerikano y del Caribe. Na Virgin Islands ta “Winner Take All”.
Esun ku bira kampeon lo hunga na El Salvador.
Lennert Angela ku tabata General Manager di e selekshon ta bek na mando dje selekshon komo e dirigente prinsipal.
Lennert huntu ku FDOK i CSB lo traha ku e selekshon. Lennert Angela ta e General Manager di e selekshon.
E manager ta Juny Balentina ku tambe ta regresá. I e staf ta wòrdu kompletá pa: Patrick Girigorie ku ta “coach” i pitcher, Emmerick Agatha i Marvin, “Pin” Wijman ku ta “coach”. 5 Star a komprondé di Lennert ku pronto lo konvoka e pre/selekshon, ku lo no ta muchu grandi, i ku lo tin 2 training promé ku Pasku.
E selekshon lo mester ta di dos siman di yanüari.
E kompetensia na Virgin Islands ta start 28 di febrüari.
Pabien na Lennert, na Juny i e staf tékniko ku ta karga nos aprobashon kompleto.
Danki ku finalmente a realisá ku ora di selekshon tin di bai ku e mihó hendenan na kabes.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
