Deporte
Iran a keda eliminá i desapuntá su fanatikada
DOHA (C) – E ekipo di Iran a bai kas i esnan ku no a kanta e himno lo keda intimidá.
Hopi di e hungadónan a yora despues di e derota kontra di Merka.
Pa kolmo Merka ta nan peor enemigu den mundu di polítika hopi di nan fanatikada a bai kas desapuntá pa e eliminashon di nan ekipo.
Futbol ta nan deporte mas gusta aya na Iran.
T’asina ku gobiernu Iraní sigur ta mal kontentu ku e presentashon.
Pero e pais mes ta pasa den yen kos.
Vários protesta kontra di e gobiernu.
Nan ta intimidá e hungadónan..
Hopi miembro di e servisio di inteligensia ta tei pa graba nan durante di e kantamentu di himno i nan ta bisa e hungadónan pa nan kanta nan himno.
Anto pa nan tene kuenta ku nan sa kua skol e yunan ta bai i tambe na unda nan ta biba.
Ta hopi menasa nan ta risibí den e último dianan aki.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
