Deporte
Ta parse manera ku CSB a laba man: Fighting tin di usa Libis riba propio responsabilidat…
Manera deporte 5 Star a skibi 5 Tim di sòftbòl femenino doble A a firma un karta i manda pa Federashon Di Sòftbòl di Kòrsou kaminda nan a pidi un reunion relashoná ku partisipashon di Libis Hurtado den nos kampeonato lokal di softbol.
Manera ta konosí Libis Hurtado a gòlpiá un hungadó rival despues di e último wega di kampeonato.
E la haña 1 aña di suspenshon, sinembargo a permití Libis hunga aki na Kòrsou pendiente su apelashon dje kastigu.
Klupnan no ta di akuerdo ku esei i a pidi Federashon un reunion.
Federashon di Sòftbòl di Kòrsou a konsedé klupnan e reunion aki djarason awor.
Si CSB a informá e tim di The Fighting Team ku si nan usa Libis Hurtado ta riba nan propio responsabilidat.
Libis a hunga 1 wega te awor den e kampeonato.
Pa ta eligibel pa hunga den play-off e lo mester a partisipá den 8 wega.
The Fighting Team falta ainda pa hunga 8 wega, inklusive awe nochi vs Treasure. Si e no hunga awe ta keda nèt 7 wega ku e tin di partisipá den tur pa por hunga den play-off ku The Fighting Team.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
