Deporte
Ounke ku 5 Tim a manda karta pa CSB ainda no a bini reakshon: Lo por pone kampeonato AA “Plat” !!!
5 Tim di doble A a manda un karta pa CSB presidí pa Sr. Eduard, “Chu” Martis pa pidi un reunion relashoná ku partisipashon di e sòftbolista Colombiano Libis Hurtado na nos kampeonato.
Klupnan ta oponé ya ku Libis a hasi sumes kulpabel di un agreshon serio despues di e último wega na su Pais.
E la haña suspenshon di 1 aña i lo mester a apelá.
A bin un karta firmá pa 1 hende ku ta pone poko na duda e kontenido di e karta i ku ta bisa ku e sòftbolista ta apsolv’é di tur kos.
Klupnan no ta aseptá esaki i a pidi reunion ku CSB poniendo kla ku nan no ta dispuesto pa hunga si Hurtado ta den wega.
Federashon di Sòftbòl di Kòrsou presidí pa Sr. Chu” Martis no a ni reakshoná riba e karta firmá pa e 5 klupnan.
SBC Fenix a manda un karta pa CSB reklamando un falta di rèspèt.
5 Star a komprondé ku klupnan a keda di mobilisá awe i lo no mester ekskluí e posibilidat ku nan lo por pone e kompetensia doble A “plat” pa loke nan ta kalifiká komo un gran falta di rèspèt di parti di e direktiva di Federashon di Sòftbòl di Kòrsou.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
