Deporte
Mundu no ta pareu, Papa’Dios si tei !! Cecily Van Der Dijs (Vanddis) a yuda muchanan di “T-Ball”….
• Deporte 5 Star a kombersá ku e “motor” tras di Liga Silvio “Cascarita” Leonora, ku ta e liga di “T-Ball” pa mucha muhé di entre 6 pa 11 aña di edat ku ta “Coach” Ralph Pereira kende tabata visiblemente emoshoná.
Ralph, edukadó pa hopi aña i “coach” spesialmente di mucha a bisa 5 Star ku nan a manda masha hopi karta pa spònser (nan) pa por haña koperashon pa por organisá e kompetensia pa e hóben (nan) aki, pero no tabatin reakshon.
Tabata Sra. Cecily van der Dijs, yu di “Papito” (dfm) ku a saka man yuda ku mas ku 100 mucha muhé chikí di entre 6 pa 11 aña por bisti un “T-Shirt” kolorido i tuma parti na e di 20 torneo Liga “Cascarita” Leonora ku ta ranka Sali djabièrnè awor na Buena Vista Ballpark.
Un danki masha spesial na nòmber di tur e muchanan di barionan manera: Brievengat, Buena Vista, Domi, Sta. Rosa, Souax i Suffisant na Sra. Cecily van der Dijs.
Mundu no ta pareu, pero Papa’Dios tei si, i sa di e kurason di tur hende, paso Papa’Dios si hamas bo por gaña. Danki na Cecily, sa sigur ku bo ta den nos tur su orashon !!
I pronto lo bo ta bek den bo Pueblo.
Nos ta sigur di bo bon kurason i inosensia.
Hopi biaha esun ku bon kurason ta hañ’é den kos ku e no meresé.
Ta asina ta bida.
Tin Un Dios Sigur Si, ku lo tei pa SEMPER !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
Gustavo Petro a atvertí ku si tin froude elektoral Maduro tin di sufri konsekuensia
-
Aruba7 years agoHoben ehemplar a fayece despues di accidente di trafico
-
Aruba7 years agoRafael Estrada: “Un paso gigantesco a wordo tuma cu firmamento di MoU pa Fast Ferry”
-
Sosial4 years agoAwe ta kumpl 26 aña morto di Selena Quintanilla
-
Lokal7 years agoPremier Rhuggenaath na seminario di GOA: ,,Desaroyo ekilibrá i duradero di Kòrsou ta rekerí diálogo habrí i kolaborashon riba tur nivel”
-
Internashonal7 years agoSegun The Washington Post: FBI tin sufisiente prueba ku Trump tabata kontratá ilegal pa traha na su Golf Club
-
Katoliko4 years agoSantísima Trinidat
-
Aruba7 years agoStudiante Albanes a trata di soborna Polis
-
Katoliko4 years ago
Poderoso orashon Na Spiritu Santu pa tempunan desafiante
