Deporte
Pa 5 Star: No mester a laga Obispo dirigi wega di Kòrsou… …Sòri, no ta “Hustu” !!!.. • Ayera nos amigu i umpire Rigobert Obispo, alias “Lolipop” a umpaya den e wega dje mundial di baseball Little League entre Liga Pabou i e representashon di Panamá. Durante e wega a pidi “review” riba tres “call” di Rigobert , i dos di nan a wòrdu kambiá. 5 Star ku dirigí lokal i Internashonalmente ta haña ku no mester a eksponé nos umpire na Williamsport. Nos por pretendé loke no ke, pero Little League ta pa gana ta hunga i ku hopi énfasis riba ganamentu, kontrali na e filosofia ku Little League a originá kuné. Bo ta hinka umpire di un Pais den un situashon masha difísil sigur ora tin un hugada pèrta. Simplemente komo hende bo no ta deseá pa nan bisa kubo a “kanta” na fabor di bo Pais. Semper nos tabata kontra di e kos ei, anto semper tambe nos a sali perhudiká, paso niun ofisial di wega no ke wòrdu tildá di ta partidario. Nos a sinti ayera pa amigu Rigobert Obispo. Nos ta skibi di un eksperensia di 50 aña. Tin di evitá e kosnan ei. E moda ku a lastra Rigobert Obispo pa e dos “callnan” ku a kambia ta un abuzu di marka mayor den direkshon di un hòmber ku semper a kontribuí ku baseball i softbol. NO TA BON !!
Ayera nos amigu i umpire Rigobert Obispo, alias “Lolipop” a umpaya den e wega dje mundial di baseball Little League entre Liga Pabou i e representashon di Panamá.
Durante e wega a pidi “review” riba tres “call” di Rigobert , i dos di nan a wòrdu kambiá.
5 Star ku dirigí lokal i Internashonalmente ta haña ku no mester a eksponé nos umpire na Williamsport.
Nos por pretendé loke no ke, pero Little League ta pa gana ta hunga i ku hopi énfasis riba ganamentu, kontrali na e filosofia ku Little League a originá kuné.
Bo ta hinka umpire di un Pais den un situashon masha difísil sigur ora tin un hugada pèrta.
Simplemente komo hende bo no ta deseá pa nan bisa kubo a “kanta” na fabor di bo Pais.
Semper nos tabata kontra di e kos ei, anto semper tambe nos a sali perhudiká, paso niun ofisial di wega no ke wòrdu tildá di ta partidario.
Nos a sinti ayera pa amigu Rigobert Obispo.
Nos ta skibi di un eksperensia di 50 aña.
Tin di evitá e kosnan ei.
E moda ku a lastra Rigobert Obispo pa e dos “callnan” ku a kambia ta un abuzu di marka mayor den direkshon di un hòmber ku semper a kontribuí ku baseball i softbol.
NO TA BON !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
