Deporte
…Groot Kwartier ta di luto… Aquiles, “Kiki” Paulina a bai nos dilanti…
Aquiles, “Kiki” Paulina un dje grandinan di e bario di Kwartier a bai sosegá awe na Ulanda.
“Kiki” Paulina ta eks pelotero di Groot Kwartier Stars, i un dje hòmbernan mas rèspèt tantu den baseball komo den e bario mes di Groot Kwartier.
Nos tabatin e plaser di tabatin amistat ku “Kiki” i a hunga baseball kuné algun aña den su tim di bario stimá Groot Kwartier Stars.
Fuera di bon pelotero, e tabata pitcher i primera/base, “Kiki” o “Bu’Kiki” tabata un persona sublime.
Un hòmber ku semper tabata kontentu, i ku tabatin hopi apresio pa tur su amigunan i famia (nan).
“Kiki” tabatin su parti sentimental, i tabata gusta kanta.
Kla nos ta kòrda kon na Ulanda dia nos a bai ku baseball nos a keda te mardugá kombersá ku “Kiki” i nos a despedí di otro ku awa na wowo pa e amistat tremendo ku nos tabatin den baseball.
“Kiki” ta tio di Rudsel, Jenny Paulina, “Paña” Angela i otronan.
Sin duda e bario di Kwartier ta di luto ku morto di un dje grandinan di e bario, Aquiles, “Kiki” Paulina i tambe yamá “Bu’Kiki”. MI ruman/amigu Te Despues !!!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
