Sr. Eduard, “Chu” Martis ta di opinion ku 2 dos korantnan ta kabando ku softbol, i ku esei ta un duele. Mi ta asumí ku amigu “Chu” ta referí na Bala i NOBO. Bala i NOBO ta e dos korantnan ku ta skibi mas di sòftbòl i tin biaha poko kritiko paso ambos korant tin años hopi serka di e deporte. Si kualke korant ku no tabat’ei i ke skibi ku e apertura di kampeonato tabata “festivo”, ta nan asuntu.

5 Star tabata na Sam Buntin Ballpark promé ku 7or di anochi, orario ku a anunsiá komienso di desfile. 7.45 pm kos a start.

Nos tabata huntu ku Sr. Jeffrey Martina i despues pará huntu Sr. Lennert Angela. Si e loke a wòrdu presentá djabièrnè ei tabata bon, nos bon i e bon di amigu “Chu” ta diferente. Nos tin mas edat den sòftbòl ku “Chu” Martis tin di bida, ta un dje aperturanan di mas brua ku nos a mira ku rèspèt pa Asila i Isonette. Fuera di start malu, no a dura hopi ku CSB ta partisipá ku wega di The Fighting Team a wòrdu kanselá pa motibu ku nan no tin unifòrm siendo ku 6 siman pasá tabata sa ku temporada lo start.

Nos sa ku traha pa un direktiva, i traha den deporte na Kòrsou no ta nada fásil, niun hende no por splikami di esei.

Mi tin rèspèt pa tur hende ku ta traha den deporte i gratuito, paso den CSB niun hende no ta haña nada.

Sinembargo mester por bisa e kosnan si.

Nos a skibi tambe ku klupnan di nos sòftbòl no ta sali liber, paso nan no tabatin ni e rèspèt pa manda miembro pa desfile. Ora bo postulá bo mes pa ta den un direktiva, bo tin di spera ku ta bai tin krítika, i trata di traha pa por mehorá semper.

Esun ku kere ku e ta den deporte i lo no haña krítika no mester ta aden. E mester keda su kas muha’mata….
· Korant no por kaba ku deporte, dirigente mediokre si…