Deporte
Pa kolmo el a bati tambe den e mundial: Hopi scout ta riba J’Dah…
Informashon ku deporte 5 Star, ta mustra ku vários ta e scoutnan di skolnan na Merka tabata hopi pendiente dje aktuashon di J’Dah Girgorie durante e kampeonato mundial di softball Little League kategoria Senior ku a tuma lugá na e siudat di Daleware. J’Dah tabata un aktuashon realmente briante pichando pa e representashon di Liga Soraida Juliana.
Nos representashon di Little League mucha muhé pa di promé biaha a yega un semi-final den un mundial, esaki danki na aktuashon sobresaliente di e hobensita J’Dah Girigorie. J’Dah pa kolmo a lusi den e kompetensia tambe ku su bate. Vários ta e skolnan ku tin interes pa e prospekto YDK bin sigui su estudio na Estádos Unídos.
Naturalmente pa e kalidat di J’Dah e lo tin di saka lo máksimo, sigur un “full-scholarship”.
Di tur manera tur kos ta den man di e prospekto i su famia pa disidí kiko ta bai pasa.
E por opta pa studia algu mas na Kòrsou i despues bai Merka, o e lo tuma e desishon di move pa skol na Merka e aña aki mes.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
