Deporte
Brian Cashman, GM di New York Yankees: “Lo evaluá Didi Gregorius”…
E General Manager di Nerw York Yankees Brian Cashman riba e pregunta ku si Yankees lo por ta interesá den un regreso di “Didi” Gregorius ku e tim di Yankees a kontesta:”Nos ta evaluando.
Tur dia nos ta evaluá kon por hasi e tim mihó.
Kisas pa djòin nos o den Scranton (AAA)”.
Manera ta konosí Didi a hunga hopi aña ku Yankees i tabata stimá pa e klup i tambe pa fanatikonan.
Yankees no a firma Didi paso nan a bai duru tras di Gerrit Cole ku a haña $ 36.000.000 pa aña.
Didi a proba di por ku e preshon di New York, i e ta un batido slengu ku ta konektá homerun den stadion di Yankees ku fasilidat.
Didi ku e tim di Yankees a bati pa averahe di .269, ku 97 homerun i 27 base robá den 660 wega.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
