Lokal
Rapòrt di SOAB ta duna speransa pa Servisio di Ambulans
WILLEMSTAD – Tin mester di tempu pa drecha varios asuntu na Servisio di Ambulans. Esaki ta un dje konlushonnan ku por saka for dje raport ku SOAB a traha riba e Servisio. Pa basta aña e servisio di Ambulans no a haña e atenshon nesesario. Tin diferente aspekto ku SOAB a konstatá i pone den un rapòrt ku ta rekeri un periodo pa remedia nan. Asina Sekretario General di GMN, Sharlon Melfor a bisa.
Ta trata di entre otro proseduranan ku ta regla. Entre otro Melfor a menshona asuntunan finansiero, raportaje, struktura di konsulta ku personal, revishon di ambulansnan i diferente proseso ku e servisio mester bai traha riba dje. I esei ta tuma su tempu. Mester kaba di traha e plan, ku e Fundashon mester presenta. ‘’Ainda nos no tin esei ainda. ‘’Nos a keda di hana un proposishon di e gerensia, ku mester indika kon e ta kere den kua termino e por traha riba dje i nos tin e tarea pa ahusta e timeline’’.
E atenshon ku lo duna Servisio di Ambulans ta regarda tur faseta. E plan di implementashon ku mester tuma luga na Servisio di Ambulans ta basa riba e meta pa yega na un solushon duradero pa e servisio. Durante varios ana e Servisio aki a pasa den varios reto: kalidat altu; kalidat abou. Mientras ta trata di un Servisio di hopi importansia pa komunidat. Ta pesei segun Sharlon Melfor, komo Tim di Maneho di GMN, ta bisa ku e Servisio ta asina vital, ku e tambe ke sigi e desaroyonan di aserka. GMN a lanta un grupo di trabou, kaminda ku Melfor i koleganan di GMN ta miembro di dje, huntu ku e direktor i direktiva di Fundashon Kuido di Ambulans. E Fundashon ta presenta e plannan i GMN ta evalua e plan i perkura ku e Fundashon por ehekute den e termino ku ela stipula.
E posishon huridiko dje personal tambe lo hana atenshon, segun Melfor. E sindikatonan a indika ku nan ke hana klaridat pasobra tin un algun ana ku no ta konosi kiko nan posishon huridiko ta. Na varios okashon e sindikatonan a senala esaki i ta un punto hopi importante pa nan. Ta intenshon sigur pa den e plan di ehekushon, gobièrnu tene kuenta debidamente ku e parti aki, Melfor a añadi.
Servisio di Ambulans no ta deskonosi pa Sharlon Melfor. Den pasado e tabata direktor di e Servisio. Basá riba su eksperensia di den pasado i kon ela hiba e maneho di Servisio di Ambulans, e sindikatonan, segun Melfor a indika ku e ta involvi atrobe ku e Servisio, no opstante e hecho ku ta den un funshon diferente. Den su funshon aktual, komo sekretario general di e ministerio di Salu, Medio Ambiente i Naturalesa, Melfor tin reponsabilidat pa mas Departamentu. Pero Servisio di Ambulans, ta na su kurason i na e servisio ei ei, ela desaroya manehonan satisfaktorio su konosimentu dje materia di Servisio di Ambulans. E eksperenisanan aki, Melfor ta garantisa, lo e komparti ku e gerente di FKKA. Hasi e servisio mas miho i duradero, ta loke ku Melfor ke logra den koperashon ku direktiva di e Fundashon.
Ta spera ku prome ku fin di ana por realisa e puntonan di mas importante pa logra pas mental di e trahadonan, asina Melfor a konklui.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
