Deporte
Parse ku: Dean Gorré ta próksimo DT di Kòrsou.. Remco den plan pa futuro…
Informashon ku deporte 5 Star tin, ta mustra ku Sr. Dean Gorré lo ta e próksimo DT di nos selekshon di futbòl.
Dean Gorré lo ta esun ku lo remplasá Art Langerer na kabes di nos selekshon.
Manera ta konosí Art Langerer i FFK ta den plan di “divorsio” despues ku Langerer a lansa algun atake den direkshon di FFK despues dje kompromisonan ku nos tabatin vs Honduras.
Langerer a apuntá algun kos ku no a kai den bon tera serka dirigentenan di nos futbòl loke ta komprendibel tambe, paso si tabatin kos mes lo por a atendé nan “paden”, promé ku bai “pafó” ku nan.
E informashon ku 5 Star tin, ta mustra ku Dean Gorré lo haña nos selekshon.
Dean tin eksperensia ya ku e la hunga futbòl profeshonal i dirigí tambe.
E tabata DT di e selekshon di Sürnam.
Su yu hòmber ta forma parti di nos selekshon di futbòl.
Si nos informashon ta korekto, despues di Dean Gorré lo tin plan pa trese Remco Bicentini bek.
Bicentini manera ta konosí ta den e staff tékniko di Canada ku lo partisipá na mundial di futbòl di Qatar.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
