Internashonal
Presidente di El Salvador: Ta hasiendo tremendo trabou komo presidente pero tin un salario di solamente $3,467.43
SAN SALVADOR – Nayib Bukele a nase komo Nayib Armando Bukele Ortez dia 24 de yüli di aña1981 na San Salvador.
Armando Bukele Kattán tata di presidente Nayib Bukele ta di orígen Palestino tabata un empresario intelektual ku a nase na Salvador i a fayesé na dia 30 di novèmber di 2015.
Nayib Bukele tabata un bon studiante ku a studia na Universidat Centroamericana pa bira abogado pero a bandoná su estudio pa bai funda su propio empresa.
E empresa ku Nayib Bukele a funda tabata Yamaha Motors na El Salvador i despues a lanta vários otro empresa ku a pone ku awe e ta un hòmber mionario.
Nayib Bukele a manda un mensahe ayera riba su fecha di kumpleaño indikando ku e no a drenta polítika pa bin mafia plaka di pueblo.
Sino a bin pa kaba ku korupshon i kriminalidat ku tin ta asotá su pais durante dékadanan.
Segun informashon ku a keda pone riba Celebrity Net Worth presidente Nayib Bukele ta e di tres presidente di Amérika Latin mas riku riba nan lista.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
Internashonal
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
Gustavo Petro a atvertí ku si tin froude elektoral Maduro tin di sufri konsekuensia
-
Aruba7 years agoHoben ehemplar a fayece despues di accidente di trafico
-
Aruba7 years agoRafael Estrada: “Un paso gigantesco a wordo tuma cu firmamento di MoU pa Fast Ferry”
-
Sosial4 years agoAwe ta kumpl 26 aña morto di Selena Quintanilla
-
Lokal7 years agoPremier Rhuggenaath na seminario di GOA: ,,Desaroyo ekilibrá i duradero di Kòrsou ta rekerí diálogo habrí i kolaborashon riba tur nivel”
-
Internashonal7 years agoSegun The Washington Post: FBI tin sufisiente prueba ku Trump tabata kontratá ilegal pa traha na su Golf Club
-
Katoliko4 years agoSantísima Trinidat
-
Aruba7 years agoStudiante Albanes a trata di soborna Polis
-
Katoliko4 years ago
Poderoso orashon Na Spiritu Santu pa tempunan desafiante
