Deporte
Pa di promé biaha den historia: Liga Soraida Juliana, Kampeon “Junior i Senior League”… …Di region, ambos ta bai mundial…
Sin duda ayera tabata un dia grandi pa e famia di Little League i sigur pa Little League Softball Liga Soraida Juliana. Tantu e selekshon Junior, komo e selekshon Senior a triunfá den final vs e representashon di Puerto Rico pa bira kampeon regional.
E triunfo aki ta pone ku nan ta gana e derecho pa representá nos region den mundial di Little League na Estádos Unídos. Tabata promé e selekshon di Junior bou di direkshon di Nel Lourens ku a gana di Puerto Rico 2-0 ku lansamentunan di “Taitje” Prince.
Den di dos wega Liga Soraida Juliana ta laga e representashon di Puerto Rico den tereno ku skor di 9-8.
J’Dah Girigorie a habri i bai distansia kompleto tirando sumamente fuerte.
Ku 2 out i koredor na segunda/base Sheveany Manuela-Trinidad yu di presidente di Liga Soraida Juliana ku ta Nitika Manuela ku ta bati hit pa duna Liga Soraida Juliana dòbel título riba un dia.
Triunfo históriko pa Curaçao Little League Softball.
PABIEN.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
