Deporte
Sherman Tokaay, Tata di Aydinedd: “Nunka Aydinedd no a regresá sin premio”.. …No ta fásil si…
Deporte 5 Star a kombersá ku Tata dje fenomeno den landamentu sinkronisá Aydinedd Tokaay ku ta nos amigu Sherman Tokaay, ruman di Paiza (dfm). Sherman a bisa nos ku e yu ta yega Kòrsou bèk huntu ku e delegashon for di Portugal awe tardi 4.45 pm.
Semper nan ta bai den un grupo enkabesá pa “Coach” Adria ku ta inkansabel.
Sherman a bisa 5 Star ku nunka Aydinedd no a bai un kompetensia i bin kas sin premio.
E ta train landamentu sinkronisá for di dia e tabatin 6 aña di edat, awor e tin 12 aña.
Aydinedd ta hopi dediká, i ta train kasi tur dia na Sta. Martha serka su “coach” Adria Koemen.
El a konta 5 Star ku promé ku Covid un “Coach” Merikano a bin Kòrsou i train Aydinedd, pero nan no a tende nada mas.
Aydinedd a gana “Over-all Winner” na Estádos Unídos, tambe el a gana Oro i Plata na Argentina, Bròns na Colombia i awor Oro na Portugal.
Sherman no ta skonde ku pa su yu bai afó tin hopi gastu.
E ta kontentu ku kontribushon di Maduro & Curiel’s Bank ku na vários okashon a saka man i yuda.
I algun hende individual, pero nan mes komo mayor tin di traha duru i pone sèn pa e mucha por representá Pais.
El a splika ku e kompetensia na Portugal a kosta den kareda di 5000 florin.
Ainda tin di paga mil florin na klup ku a kontribuí pa por a bai e kompetensia.
Na luna di desèmber tin otro kompetensia, i mester bai wak kon ta hasi ku esei.
E Tata di Aydinedd a bisa ku e yu ta stima e deporte.
Tambe e ta bai bon na skol.
“Nos ta hopi kontentu, pero no ta nada fásil.
Hopi sakrifisio”, Sr. Sherman Tokaay a deklará na 5 Star.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
