Deporte
Richard, “Chado” Obispo: ”Sedreko ta hasi falta”… “Akademianan” Ta yuda !!
Richard, “Chado” Obispo ku ta amante “fiel” di Deporte 5 Star i ku hamas ta skonde pa duna kualke remarke, sea positivo o negativo, a bisa nos ku e la lesa ayera dje dirigente ku ta di opinion ku baseball di mucha na Kòrsou no a bai dilanti, apesar ku a lanta hopi “Akademia” di baseball na Kòrsou.
Obispo no ta 100 % di akuerdo ku e dirigente.
E ta bisa ku porhempel e Akademia di Yurendell de Caster ta yuda alsa nivel di peloteronan inmensamente. Si “Chado” Obispo ta bisa ku e falta di Fundashon Sedreko si tin su efekto.
E ta splika ku ántes tabatin “coachnan” manera: Arthur Bonivacio, Luigi Alvarez i vários otro ku tabata yuda masha bon trahando mucha paso nan tabata haña un rekompensa serka Fundashon Sedreko.
Nan ta hasi hopi falta, paso e boluntarionan ei tabata super bon, e la bisa.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
