Deporte
Nos selekshon femenino U-17: Ta regresá Kòrsou despues di un tremendo wikènt na Aruba!
WILLEMSTAD (C) – Otro selekshon ku a mira akshon den wikènt tras di lomba tabata nos selekshon femenino kategoria U-17 ku riba invitashon di Aruba a hunga 2 partido amistoso aya na Aruba kontra Aruba su selekshon femenino kategoria U-15.
Esaki en konekshon ku nan partisipashon na e CONCACAF Girl’s U-15 Championship.
Den e promé partido ku a tuma lugá djasabra 9 di yüli den Centro Deportivo Guillermo Prospero Trinidad, nos selekshon a empatá ku e selekshon U-15 di Aruba na 1 un gol.
Raëngelly Keller tabata esun ku a anotá e úniko gol di Kòrsou, pa medio di un pinalti.
Mas despues e hungadó di Aruba, Sundari van der Linden, a anotá e gol di empate pa e wega terminá ku e skor di 1-1.
Pa loke ta trata e partido di djadumingu 10 di yüli, nos selekshon a sali viktorioso ora nan a sa di gana Aruba ku skor di 3 pa 0 ku golnan anotá pa Lisa Pasman i Rushaviana Petronilia ku a anotá na 2 okashon.
Despues di e partido di ayera, e selekshon di Kòrsou huntu ku esun di Aruba a disfrutá di un tremendo sena kompañá ku kanto i balie pa sera e wikènt.
Awe nos selekshon a regresá Kòrsou repartí den 2 grupo.
FFK ta sumamente satisfecho ku e eksperensia ku nos selekshon a gana den fin di siman tras di lomba i ta hopi kontentu ku e invitashon di AVB.
FFK ta deseá Aruba su selekshon femenino U-15 tur klase di éksito ku nan partisipashon na CONCACAF Girl’s U-15 Championship!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
