Deporte
“Shon Sira” awe nos kayente atrobe: FFK ta bai aserka un Banko pa fiansa… E ‘hendenan’ ke nan Plaka !!
Deporte su informashonnan kayente ta den 5 Star, no tin manera di hasi.
“Shon’Sira” si ta sabi i ta lesa su 5 Star kompleto, tur dia pa e ta bon na altura.
No fia 5 Star “Shon’Sira” !!
Informashon ku 5 Star a haña un ratu promé ku bai imprenta, ta indiká ku Federashon di Futbòl di Kòrsou ku ta man na kabes ku debe ta bai aserka, o a aserka un banko lokal ku lo ta nan amigu pa un préstamo, un fiansa…
E fiansa aki lo mester yuda nan paga algun debe, paso debe tin FFK mal choká.
E kos a bira asina ferfelu ku tin esnan ku ta deseá nan plaka lo ke bai korte ku FFK.
FFK lo fia sèn, sperando pa nan haña nan “La” serka FIFA. FFK no ta bashí, paso danki na Rignaal, “E Mener Di Sta. Martha” ku nan tin edifisio i stadion ku ta bal miónes.
Esei no ta pone si ku nan por keda sin paga nan debe.
“Shon’Sira” ta 100 % di akuerdo ku esei.
Kòrda buska bo NOBO tur atardi, ku huntu ku Deporte Hoyer i korantnan di Mainta ta tenebo na altura dje moveshonnan den deporte.
5 Star atardi ta rematá !!
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
