Deporte
E lo tin di sosegá algun dia: Jurickson ku “Hersenschudding”…
E Big Leaguer YDK Jurickson Profar a haña “hersenschudding” despues ku rudia di e infielder CJ Abrams a dal’e den su kabes ora ku nan dos tabata buskando un bataso.
Jurickson tabata biniendo aden for di leftfield, i a dal den e infielder.
Durante e choke, e rudia di e infielder a dal Jurickson den su kabes.
Jurickson a lanta riba pia, pero kasi a dal abou ora e tabata kana.
Nan a pone Jurickson drumi i sak’é for di tereno riba brankar, pa despues transporte pa hospital.
A konstata “hersenschudding” serka Jurickson, tambe e la sufri un leshon na su garganta i tin di bisti un “brace” pa sigur 1 siman.
Jurickson ta den un bon temporada bateando komo “lead-off” pa e tim di Padres i hungando den leftfield.
· Padres a anunsiá ku nan a subi BRENT ROOKER na lugá di Profar ku a subi lista di hungadó leshoná di 7 dia…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
