International
Segun informe di departamementu di hustisia: Pa aña tin riba 100 mil persona ku ta muri of resultá herida pa arma di kandela
WASHINGTON – Departamento di hustisia na Merka huntu ku CDC ( Centers for Disease Control and Prevention) a emití un relato kaminda ta informá ku pa aña tin riba 100 mil persona ta resultá morto of herida pa arma di kandela.
E kasonan a kuminsá oumentá for di aña 2018 kaminda hóbennan di entre 12 pa 24 aña di edat ta kometiendo aktonan kriminal ku arma di kandela.
E parti mas tristu di lokual ta pasando ta ku no ta armanan registrá so ta keda usa den aktonan kriminal sino tin armanan klandestino tambe.
Tin hopi arma di kandela ku no ta registrá ku ta keda bende for di barionan marginá na Merka kaminda tin hopi pobresa.
Pa lokual ta e aña aki so ya kaba tin un kantidat rekòrt di personanan ku a keda herida of mata ku arma di kandela. Segun informe di departamento di hustisia merikano mas ku mitar di e kasonan aki armanan di kandela no registrá a keda usa.
TEHERAN – E organisashon terorista Islámiko di Palestina denominá komo Hamas a konfirmá ku ayera ku nan lider Ismail Haniya a keda asesiná pa un misil ku a keda lansa riba su residensia ubika na Teherán.
Tin indikashon ku e atentado kontra Ismail Haniya tabata konosí ayera tardi i huntu ku algun di bodygaurdnan a muri.
Masoud Pezeshkian presidente di Iran a publiká riba su kuenta di red sosial X ku lokual a pasa Ismail Haniya ta di lamentá.
Hamas ta kulpa Israel pa morto di Ismail Haniya i a hura di tuma represaya pa lokual a pasa aki.
Mahmoud Abbas presidente di Palestina tambe a kondena asesinato di e lider di Hamas i a kalifiká lokual Israel
a hasi aki komo un akto di kobardia.
Masoud Pezeshkian ta di opinion ku lokual a pasa aki lo bai uni forsa entre Iran i Palestina huntu ku otro paisnan den Medio Oriente mas pa atendé na serio ku Israel.
WASHINGTON – Antony Blinken sekretario di Estado a sigurá ayera for di Washington no ta impliká den e kaso di asesinato di Ismail Haniyeh lider di e grupo Islamita Palestino ku yama Hamás.
Ismail Haniyeh tabata biba na Palestina komo pero a muda pa Teheran pa su seguridat.
Antony Blinken a bisa Merka no ta metí den e atentado kontra Ismail Haniyeh su bida pero tampoko lo bai speluka riba e asuntu aki.
Lloyd Austin minister enkargá ku e kartera di defensa na Merka ku ta na Filipinas a deklará ku lokual a pasa Ismail Haniyeh ta di lamentá i ku Merka su servisio di inteligensia lo bai sòru investigá mas den profundo ken lo a kometé e atentado aki.
Antony Blinken a splika ku lokual a pasa aki lo tin su konsekuensia debí Israel i Hamas tabata na mesa di negoshashon di pas pero lokual a pasa ku Ismail Haniyeh esaki lo nifiká ku esaki lo no ta posibel mas.
International
Maduro ta vinkulá: Lider di Tren de Aragua responsabel den e protesta kontra resultado ofisial elektoral
CARACAS – Nicolás Maduro ta asina desesperá ku e ta vinkulá Héctor Guerrero Flores -alias ‘Niño Guerrero’ lider di e geng kriminal transnashonal ‘Tren de Aragua’ komo responsabel di protesta den sentro di Caracas.
Nicolas Maduro a manda un mensahe pa “E famoso ‘Niño Guerrero’ ku ta dirigiendo su operashon na parti sur di Caracas ku elo no por hui manera e ta pretendé di hasi di krusa frontera pa bai Colombia.
Héctor Guerrero Flores -alias ‘Niño Guerrero’ tabata na Colombia i segun Nicolas Maduro ela keda manda Venezuela bou di òrdu di Merka.
Nicolas Maduro no sa mas kiko inventá pa kita atendé di e froude elektoral na Venezuela ku ta bisto kaba ku ela pèrdè.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
