Lokal
Bloke sindikal di Aqualectra ta preokupá pa e posishon di trahadónan
WILLEMSTAD – Sindikatonan di Aqualectra originalmente a tende di parlamentarionan ku nan a konsulta, ku nan no mester ta preokupa, pasobra e konsepto di lei di maksimalisashon di salario lo no mishi ni tampoko influensiá sobrá trahadónan. Tampoko e lei lo no hasi daño na struktura salarial di ningun kompania.
E trankilidat aki a disparse, despues ku e sindikatonan a tuma nota ku e lei ta referi tambe na funshonarionan altu i kolaboradónan. Asina Augusto Martis , presidente di SEU, ku ayera a papia den Parlamento, na nòmber di e bloke sindikal di Aqualectra, a bisa.
E bloke sindikal di Aqualectra ta konsisti dje: SEU, STKO i STK. Martis a bisa ku e lei mester bin pero ku e sindikatonan mester defendé nan posishon komo trahadó.
Kisas berdat parlamento no a pensa nunka ku e intenshon ta pa mishi ku sobra trahado i tumba salario di e kompania. Pero for di ora ku hinka funshonarionan tòp, kolaboradónan i konseheronan , esaki ta preokupante. Refiriendo spesifikamente na e kolaboradónan, Augusto Martis a bisa ku nan a nota último dianan ku no ta kompronde e diferensia entre salario i loke ku ta yama inkomen den e dokumento. Ta trata aworaki di un proposishon ku ta drenta den e struktura salarial di Aqualectra.
Struktura salarial
E struktura salarial di Aqualectra, ta basá riba responsabilidat kon bo ta krese den bo funshon i e otro parti ta konosimentu i estudio. Si bin ku un norma ku ta influensiá e strultura di salario, for di ariba, mester freeze tur pa kòrta bin abou. Pasobra e responsabilidatnan ta keda diferente pa kada ekspertisio.
Na 2019 a negoshá un cao pa trahadónan di Aqualectra. E tempu ei a hasi un asina yamá ‘benchmark’ di e salarionan di Aqualectra. Segun Martis e resultado tabata ku riba merkado e salario di e funshonarionan altu di e kompania di utilidat, a sali abou.
Mas aleu e presidente di SEU, a menshona ku ora ku e pandemia di Covid-19 a surgi, e sindikatonan no a eksigi nada, ni ora ku e kompania tabata haña slá. ‘’Nos a uni komo sindikato i sakrifika nos mes, pa e kompania keda sólido’’.
E sindikatonan ta konsiente ku pa e trahadó ta bon, e kompania mester ta bon.’Nos tin años ta entrega komo trahadó, ta propaganda nos no ta sali hasi pafo i e ta krea e imprenshon ku ta hopi dushi nos ta biba akiden’. Pero e realidat ta ku trahadonan di Aqualectra a entrega hopi kos.
E sindikatonan a puntra gerensia di Aqualectra, si implementa e lei di maksimalisashon di salario kiko e a nifika pa e trahadonan di e kompania. E kontesta ta: Ta kuminsa na freeze tur e salarionan i lo baha nan ku 27 porshento i mei.
Aktualmentge nos no tin un bon doorstroming for di skol, pa hibenan ku afinidat tekniko. Kompania ta stgruggele pa hana hende studia, pa traha ku sistemanan komplika.
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
