Deporte
“Wandelgangen” ta hopi… “M’a Bisabo….”…
Un dirigente di futbòl ku promé ku elekshon pa presidente di FFK a bisa nos ku si bo ke ta presidente di FFK bo mester ta kasi 24/7 na ofisina, ayera nochi a bisa nos,”Ma Bisabo”…
5 Star a hasiele e pregunta ku si ta bèrdat ku tin masha hopi kos ta pasa ku e flamante presidente di FFK Sr. Ramiro Griffith no tin “grep” riba dje ???
Ela kontesta,”Ma bisabo ku pa dirigí FFK bo mester ta na ofisina “di dia i anochi”, m’a bisabo !!
Segun nan ta bisa ku tin un “One/Two Punch” veterano ku ta “Call the Shots”, i ku e presidente hóben no por bin kla kuné.
Nos a kòrda riba un piesa ku nan sa toka riba dia di Tata, i ku no ta bunita, “Tantu bal bo tei o laga di tei”..
E ta ferfelu, paso Ramiro Griffith ta tremendo, pero pa presidí FFK bo mester ta fuerte manera Rignaal Francisca tabata, sino ta pasabo “fastball” den futbòl…
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
