Deporte
Barcelona no ta sigi mas ku Dani Alves
BARCELONA (C) – E regreso di Dani Alves den Barcelona no a dura masha.
E kontrakt di e hungadó aki kende tin 39 aña a dura masha poko.
Pero Dani Alves mes a duna di konosé ku su tempu serka Barcelona a yega.
Anto elo ke gradisi di tur hende pa e chèns ku nan a dunele p’asina e por a regresá .
Bosnan no sa kon kontentu mi tabata ku esaki.
Esaki ela skirbi riba su instagram
Tambe ela sigi bisa ku e ta spera ku esnan ku keda lo sa di kambia e historia di e klup.
Anto pa mundu komprendé ku un leon aunke ku e por tin 39 aña semper bai lo keda un bon leon i uno loko.
Dani Alves ta forma parti di e Barcelona kende ta tin éksitonan grandi.
E defensa di ala drechi a gana 3 bia e champions Leaque, tambe e kopa oropeo i 6 titulo di pais.
Na 2016 ela bai purba e suerte serka Juventus pa despues na 2017 e firma ku PSG.
Na 2019 ela bai Brazil kaminda ela hunga ku Sao Paulo i aña pasa di un forma di sorpresa ela bin bek Barcelona
E mester a bringa hopi pa su regreso.
Ta tin hopi kos ku a stroba.
E pandemia, i pèrmit pa traha. Ela hunga 14 partido i ela nota un solo gol. Esaki sigur no ta sufisiente pa a renombrá su kontrakt.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
