Deporte
Hulanda den pitu ta logra gana di Wales
AMSTERDAM (C) – E selekshon hulandes ayera a logra un viktoria den tempu èkstra ora ku nan a gana di selekshon di Wales ku skor di 3-2
E ekipo hulandes a kuminsá bon den wega ku algun hungadó nobo i ta e hungadó Lang kende ta mustra ku e tin aden i e ta move i konstantemente ta bira peligroso pa e ekipo di Wales. Tambe Gakpos ta penetrá hopi den e defensa di Wales
Tabata e hungadó Lang kende a risibí un pase di Janssen pa e nota e promé gol di e partido
Despues ta Gakpo ku ta hasi e wega 2-0. Hulanda e ora ey ey a kuminsá hunga mas trankil. Anto ta un pase malu ta pone ku Johnson ta risibí e bala i kore bai laga defensa i skòp fuera di alkansá di e portero hulandes
Mas lat kasi ora ku wega ta bai terminá Tyrell Malasia ta kometé un infrakshon den área penal kual ta bira pena máksimo pa Wales.
Anto Bale ta nota e gol di empate
Ora ku tur hende lo a kere ku e wega lo keda empatá nan ta sali kiboká ya ku den un atake na banda drechi e hungadó Depay kende a drenta den e wega ta risibí un bala kual den área penal e ta skòp den gol fuera di alkanse di e portero i asina Hulanda ta gana e wega aki.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
