Deporte
Sta. Maria Pirates lo duna Ulrich Snijders Libertat ??? Tin spekulashon ku Cats lo ke Ulrich pa “Deca”…
5 Star a kombersá ku un hende versá di nos baseball despues di lesa un artíkulo interesante di nos amigunan di Vigilante den e sentido ku lo por tin un kaso den korte entre Wild Cats i Sta. Maria Pirates.
5 Star a trata di haña mas informashon i a komprondé ku e estrea di baseball yu di Eithel i Micheline, Yurendel de Castar, alias “Deca” pa a bai e tim Pirata ku e la kuminsá kuné lo mester a haña su libertat serka e organisashon kampeon di Kòrsou enkabesá pa Fredtje Gomez Jr. ku ta Wild Cats.
Si e informe ei ta korekto, Yurendel lo por a bai kualke ekipo di su deseo.
Yurendell a bin kla ku Sta. Maria Pirates i firma ku nan.
Ulrich Snijders, catcher estrea dje Piratanan, segun informashon lo ke bai e tim di Kenley Jansen.
E la catcha Kenley hopi den “off-season” i e closer Biga Leaguer futuro “Hall of Famer” kisas lo a gusta e trabou di Ulrich i rekomendá “Fredtje”.
Di tur manera pa hasi e historia kòrtiku, “Uli” su deseo awor ta pa bai Wild Cats.
Sinembargo pa esei sosodé mester tin un areglo ku Sta. Maria Pirates si nan no lague den libertat. Parse ku “Uli” falta 2 temporada pa kumpli ku e tim di Kenneth Gijsbertha.
Desishon lo mester kai ku Sta. Maria Pirates lo laga e catcher liber, o yega na un akuerdo ku Cats ku lo tin di paga 6000 florin.
Esei ta e informashon ku 5 Star tin.
Jasson Dominguez e prospekto prinsipal di New York Yankees ta hungando den triple A.
E la regresá mas lihé ku nan a pensa.
I den 3 wega den triple A e tin 11 turno na ku 2 hit konektá, tambe 2 base por bola.
E General Manager di Yankees Brian Cashman a bisa ku nan ta kontentu di sa ku Jasson Dominquez ta kla i ku nan lo por disponé di dje.
E la rekonosé huntu ku e manager Aaron Boone ku aworakí nan no tin chèns pa Dominguez ariba i ku nan ta kontentu ku loke ku nan tin.
PHILADELPHIA (C) – E ekipo di Liverpool bou di direktor tékniko Arne Slot a logra gana di e ekipo di Arsenal ku skor di 2-1.
E wega a keda hunga na Philadelphia kaminda ku Liverpool for di trempan a pika dilanti ku skor di 2-0.
Den e wega di Arsenal nos Jurrien Timber no a hunga.
Esaki ta bira e di dos viktoria ku Arne Slot na manda di e ekipo Liverpool.
MONACO (C) – E ekipo di Feyenoord ayera hungando den su kas na De Kuip a sufri otro derota.
Esaki ta bira tambe di dos derota di e ekipo di Feyenoord ya ku djadomingu último ela pèrdè ku un skor mahos di 5-0 kontra di Benfica.
E próksimo wega di Feyenoord lo ta djadomingu awor kontra PSV pa e kopa Johan Cruijff Schaal.
Na sosiegu e wega ta empatá ku skor di 1-1.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
