Lokal
Kódigo di trafikantenan di droga tabata erotiko pa despistá outoridat
WILLEMSTAD. E intento di un Yu’i Kòrsou di 53 aña ku ta sintando un kastigu di prizon di 15 luna na Ulanda pa rekupera dos tas pretu konfiská, no a prosperá den Korte Supremo na Ulanda. Siman pasá djamars Prokurador a rechasá pa trata e kaso di nobo di manera ku e trafikante por bien lubidá ku un dia e lo rekuperá e tas i kontenido.
Loke ta kurioso den e kaso ta ku a haña un idea dje kódigo i lenguahe ku e telefon ku nan a uza ta dje tipo BLackberry ku a keda konfiská i destrui.
Na diferente okashon e gèng a uza e mesun ‘modus operandi’ pa manda e droga Ulanda na aña 2014 hasiendo uzo di informashon ku nan a haña di hende ku ta traha na èrport.
Nan tabata skonde e kokaina den avionnan di kualnan tabata sa ku manera e avion yega Schiphol, e ta bai tayer pa mantenshon.
Nan tabatin kopia kompleto di e skema di mantenshon i e lugá spesifiko kaminda nan tabata skonde e droga den avion.
Nan tabata kuater trafikante entre otro un tata ku yu ku tabata pone e droga bordo di avion na Kòrsou. Nan kómplise tabata traha komo mekaniko di KLM den tayer di mantenshon na Schiphol Oost i tur a kordiná kon ta pone e droga bordo di avion i kon ta sak’é for di schiphol.E akusado prinsipal tabata e homber di 54 aña kende te ainda ta sintando kastigu na Ulanda i dia ku e no por tabatei, su yu tabata remplas’é.
Un otro kómplise tabata na Kòrsou kaminda e tabata traha na èrport i tabata pasa e informashon.
KODIGO E
ROTIKO
Pa inteligente ku e miembronan dje gèng a kere ku nan tabata aktua, nan tabata robes pasobra reshèrshe ulandes tabata tap tur nan yamadanan.
Un dje datonan ku a reda nan ta ku un dje kómplisenan tabata uza un nomber kombiná ku PIN dje Blackberry ku nan a haña na su kas.
Tambe reshèrshenan a traha un lista di apodo ( ‘bijnaam’).
Pa identifiká e avionnan bordo di kual nan a pone droga, nan tabata uza frasenan ku ta referi na parti di kurpa femenino pero ku tabata matríkula dje avionnan.
Den e kaso aki e avionnan tabata registrá na Ulanda i tur avion registrá na Ulanda ta kuminsa ku PH i e siguiente lèternan dje matrikula ta referi ne tipo di avion sea ku ta Boeing of Airbus, sigí pa nòmber di muhé manera Nadia of Lydia.
Avionnan ku tabata bai den servisio despues ku nan baha na Schiphol ta bai hangar 111 na Schiphol-Oost kaminda un kómplise tabata sa presis den ki parti dje avion e mester buska e droga. E kómplise den e kadena di kontrabanda a revelá na reshèrshe ku:
‘bodega’ ta ‘sanka’ dje avion
‘smoel’ te nanishi dje avion kaminda e radar ta
‘granja (de schuur) ta e hangar.
‘valse mensen’ ta agentenan di duana.
Nan ku nan tabata sa kiko ke men ‘neuken’, ‘voetbal’ ‘wedstrijden’, ‘ongesteld worden’ i ‘slaan met de penis’.
Un dje buelonan a lanta dia 2 di yuni for di Surnam i otro a yega for di Sint Maarten via Kòrsou.
Reshershe a desifrá tur e frasenan i a traha e prueba aparte ku nan a konfiská e kokaina ku tabata e prueba mas grandi. Nan tabata sa hasta ku ki tipo di avion e droganan a yega Ulanda.
Loke a frega e akusado ta e hecho ku nan a hasi entrada polisial na su kas na Hoensbroek i a haña 1427 gram di mariwana ku tabata ilegalmente den sirkulashon.
E uniko punto na fabor dje kómplise kurasoleño tabata ku ela bai den apelashon serka Korte Supremo dia 3 di aprel di 2020 i e dokumentonan a drenta lat serka Korte Supremo pa kual ela haña poko deskuento di kastigu segun e tarifa.
Por lo demas e por a bien lubidá ku e ta haña e tasnan bèk pasobra nan a kima nan masha tempu kaba……
WILLEMSTAD – Tin hopi interes di bishitantenan di eksterior pa karnaval di Kòrsou.Tin hopi turista ta riba nos isla i representantenan turistiko i tambe prensa internashonal ta na kantidat grandi pa kubri nos karnaval. Muryad de Bruin, direktor di Ofisina di Turismo a bisa ku CTB ta hopi kontentu pa tin karnaval bèk den su gloria kompleto manera e tabata semper. Prinsipalmente for di den region, entre otro Surnam, tin hopi turista na Kòrsou pa gosa di karnaval.
Pa motibu di Covid-19, ultimo dos aña, no por a organisa karnaval na di Kòrsou,. fisina di Turismo a prepara hopi bon pa e regreso di e fiesta grandi aki. Henter e siman aki, media internashonal ta di bishita na Kòrsou pa kubri e paradanan di karnaval, prinsipalmente esun grandi ku tuma luga mañan. Di e manera aki i ta mustra mundu tambe kon bunita nos karnaval ta.
De Bruin a bisa ku di tur e merkadonan di Korsou, tin representante turistiko e siman akin a Korsou. Ta trata di entre otro Hulanda, Colombia, Ecuador, Surnam, Merka i Republika Dominikana, ‘Nan ta kubri nos karnaval i dun’e e atenshon den publisidat internashonalmente’.
Henter e siman aki personal di e departamentu di produkto di CTB i ‘destination services’ ta riba kaya, pa host huntu ku ‘influencersnan’, i medionan di komunikashon. CTB ta guia i perkura pa e miho parti di Korsou ta bisto riba nan publikashonnan.
KONSIENTISA
Tambe komo ofisina di Turismo ta dedika atenshon na konsientisashon lokal. E direktor di CTB a a menshona ku durante di temporada di karnaval, ta konsientisa pa tene nos isla limpi. Esaki ta ta un kampaña ku ta tuma luga hopi luna kaba. E konsientisashon ta ku mester tene Kòrsou dushi i limpi. Den temporada di Karnaval, Ofisina di Turismo ta keda pone atenshon riba e asuntu aki, pa logra ku nos komo País, ta un país limpi pa nos mes pero tambe pa e bishitantenan.
CHATA tambe ta hopi kontentu ku karnaval ta bek, pasobra esaki ta hopi positivo pa e okupashon di e hotelnan i otro negoshinan ku ta relata na turismo.
Hans Slier, presidente di CHATA a bisa ku e okupashon dje hotelnan den e temporada aki ta hopi bon. Ademas, asina Slier ta bisa, eventonan manera karnaval ta no solamente ta hopi bon pa turismo pero tambe pa Kòrsou mes. Karnaval i otro festivalnan manera Jazz i Blues Fesitval, ta pone Korsou riba mapa internashonal loke ta hopi bon.
WILLEMSTAD – Den e periodo di 23 yanüari 2023 pa 30 yanüari 2023, polis a registrá i a analisá e siguiente aktividatnan kriminal.
Atrako
Kantidat: 5
Orario: entre 02.51’or. – 06.51’or. / 11.26’or. – 23.13’or. Sitio: Jan Noorduynweg, Dein, Pietermaai, Kanga, Mahuma.
Ladronisia di
vehíkulo
Kantidat: 4
Orario: entre 23.00’or. – 05.00’or.
Sitio: Marie Pampoen (2x), Pietermaai, Otrobanda.
Kiebro den kas
Kantidat: 8
Orario: entre 11.00’or. – 15.00’or.
Sitio: Pannekoek, Hoendenberg, Mahuma (2x), Rooi Catootje, Koraal Partier, Suffisantdorp, Julianadorp.
Partikularidat: Dor di kibra porta dilanti (mayoria).
Kiebro den negoshi
Kantidat: 3
Orario: entre di 00.00’or. – 05.00’or.
Sitio: Fokkerweg, Caracasbaaiweg, Souax West. Partikularidat: Dor di kibra dak i kandal (mayoria).
Kiebro den /na outo
Kantidat: 11
Orario: alrededor di 11.00’or. – 14.00’or / 23.00’or. – 05.00’or
Sitio: Caracasbaai, Noordkust, Otrobanda, Sabana bij Wespunt (3x), St. Wilibrordus, Habaai, Vredenberg Bij Kenchan(2x), Wespunt.
Partikularidat: Dor di kibra glas patras i bai ku piesa di outo(mayoria).
Violensia relashonal
Kantidat: 15
Orario: entre 00.00’or. – 03.00’or
Sitio: Otrobanda, Sucasa, Bonam, Oude Water, Marie Pampoen, Koraal Specht, Buena Vista, Monchi, Vredeberg bij Sta. Maria, Punda, Sta. Cruz, Jonisberg, West Groot St. Joris, Zuid Abrahamsz, Noord Zapateer.
WILLEMSTAD – JCI Dutch Caribbean lo kier informa ku a elegí i instalá su direktiva nobo pa e aña 2023. Sigun e presidente nobo di JCI Dutch Caribbean durante di e aña 2023 e organisashon lo proveé oportunidatnan pa desaroyo di liderzgo i empodera miembronan pa krea impaktonan positive den nos komunidat. Pues, pa e motibu aki e lema prinsipal di 2023 ta ‘Step Up’.
Junior Chamber International (JCI) su filosofia di ‘one year to lead’ tin e enfoke pa duna hendenan entre 18 pa 40 aña oportunidat di haña eksperensia den posishonnan di liderazgo.
JCI Dutch Caribbean su direktiva pa aña 2023 ta konsistí di e di 62 Presidente Shakira Sedney – Albertoe, ku asistensha di Sekretaria Jacqueline Candelaria, Tesorero Alasha Tejeda, Vise Presidente Ehekutivo Aldimir Vrutaal, Vise Presidente Sulmahine Penza – Kwidama, Vise Presidente Richards Martina, Asesor Legal General Vanessa Overman i Presidente Saliente Sulin S.F. Passial.
JCI ta un organisashon global di lidernan entre 18 pa 40 aña ku ta transformá hóbennan pashoná den lidernan kapabel pa medio di training, proyektonan, eventonan i programanan. JCI Dutch Caribbean ta konsistí di 5 organisashon lokal. Na Kòrsou, JCI Creative Leaders in Curaçao (CLIC), JCI Involvement Of Banda Ariba Curaçao (IOBA Curaçao) i JCI Willemstad. Na Aruba: JCI Young Active Leaders Aruba (YALA). Na Sint Maarten: JCI SXM A.C.T.I.O.N (Aspiring Change To Impact Our Nation).
Si bo ta interesá di desaroyá bo abilidatnan di liderazgo miéntras bo ta krea impaktonan positivo den bo komunidat, tuma kontakto ku JCI Dutch Caribbean libramente na dutchcaribbean@jci.cc.
Pa mas informashon di JCI general bishita www.juniorchamber.international.
Sigui nos riba Facebook, Instagram, LinkedIn @jcidutchcaribbean pa e último informashonnan di JCI Dutch Caribbean su aktividatnan.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
