Willemstad – Djamars 30 di Novèmber Rotary Walking Dinner lo tuma lugá pa di 6 bia. Gosa di diferente plato na diferente sitio, i tur esaki pa un bon kousa!
Walking Dinner
Kanando den kayanan di Pietermaai District bo ta disfrutá di un eksperiensha spesial. Diferente rèstorant den e bario ta pone nan mesanan na disposishon, pa asina por sirbi kada parti di e Walking Dinner na un otro sitio. Ta anunsiá e ruta akí riba e anochi di Walking Dinner.
For di 18:00 ora ta sirbi un aperitivo i un amuse na Mr Porter den Nieuwestraat. Despues tur partisipante ta kana bai e promé rèstorant pa e promé plato. E segundo rèstorant ta sirbi e e plato prinsipal i e último rèstorant ta enkargá ku e pasaboka. Naturalmente ta tene kuenta ku deseonan di dieta i alergia. Ta sera e anochi ku hinter e grupo huntu rònt 22:00 ora na un lokashon final.
Uniko
Rotary Walking Dinner entretantu a bira un konsepto konosí riba nos isla. E evento ta duna e partisipantenan chèns pa konosé diferente rèstorant nobo, òf ta ofresé bo oportunidat pa kome na un rèstorant ku tin basta ratu notá riba bo lista kaba. E aspekto sorpresivo no ta solamente e menú, pero tambe e grupo rondó di bo; banda di ken bo ta sinta durante e próksimo plato. Kon ku e grupo ta, e plato sí ta meskos pa tur hende. Por inskribí ku un grupo di maksimal 6 persona. Bo so tambe por partisipá. Den e rèstorantnan ta pone mesa largu, pues niun hende no ta sinta nan so.

Rèstorantnan ku ta partisipá
Un kantidat di rèstorant grandi ta dispuesto pa spònser e diferente partinan di e menú. Entre otro Mr Porter, Los Caballeros, Bijblauw, Ginger, Mundo Bizarro, Fish & Joy, Serafina, i rèstorant Rozendaels ta habri nan portanan pa Walking Dinner.
Yu di Korsou
RCW tin komo meta stimulá hubentut di Kòrsou pa loke ta desaroyo duradero. Un di e proyektonan ku RCW ta sostené ta kolektá bukinan pa lesa, pa asina por habri mas biblioteka na skol, di manera ku tur mucha na Kòrsou tin akseso na buki. E fondo rekoudá ku Walking Dinner lo ta na benefisio di hubentut di Kòrsou.

Tickets
Preis pa partisipashon ta 150 florin (ta inkluí areglo di bibida). Por kumpra ticket via e-mail rotarywalkingdinner@gmail.com òf serka un di e Rotary Fellownan.