Sosial
Produktor lokal di pelíkula, Rovendley Welvaart ta gana kompetensia internashonal PlayGo Emerge
Willemstad: Yu di Kòrsou, Rovendley Welvaart a wòrdu skohe komo e ‘top film maker’ di region i ganador apsoluto di PlayGo Emerge Film Competition. Durante kasi 3 luna a risibí produkshon di diferente produktor lokal i regional di henter Caribe, a huzga esakinan di akuerdo ku kriterionan internashonal di e kompetensia i a kana e trayekto di votashon públiko. Su pelíkula Tahit a sobresalí grandemente, ganando e premio den kategoria di Drama, e People’s Choice Award, i e Premio Grandi di e kompetensia.
Ku e PlayGo Emerge Film Competition a selebrá e kultura diversifiká i similaridatnan di paisnan den region, den esaki a enkurashá produktornan pa produsí un ‘short film’, den e tema Celebrate the National Pride of your Country. Rovendley su pelíkula a konta e historia di un mucha hòmber hoben adoptá, ku ta mira su mama di kriansa lucha pa tene kabes riba awa, sinembargo komo yu e ta determiná pa duna su mama un mihó bida. Pa medio di e pelíkula Rovendley ta mustra ku maske bida no tur ora ta duna nos e mihó kara, semper tin speransa. E kompetensia a duna Rovendley e oportunidat di mustra ku maske Kòrsou ta un isla chikí, tin hopi talento i potensial!
Rovendley ta splika: “Pa mi tabata un momentu kasi no real ora ku e huradonan a skohe nos pelíkula, ku a keda trahá riba nos pa isla chikí Kòrsou, pa gana e kompetensia. Mi ta hopi orguyoso di nos ekipo ku a hasi e pelíkula aki posibel, i p’ami e ta un honor pa representá Kòrsou riba esenario mundial. Mi ta hopi gradesido na e PlayGo app, pa duna produktonan lokal un plataforma pa ‘showcase’ nan kreatividat.”
Tari Lovell, Direktor di Marketing Digital Services na Digicel, a bisa: “Pabien Rovendley! Nos a mira hopi pelíkula i su trabou a realmente resaltá. Klaramente, nos no ta e úniko ku a pensa asina, ya ku den e kompetensia e Premio Grandi – a keda huzgá pa un pènel di eksperto – ademas, Rovendley ta bai kas ku e People’s Choice Award. Generalmente mester bisa ku tabata masha alentador pa mira asina tantu prospekto den e mundu i industria di pelíkula i sinematografia. Nos ta mira dilanti ku hopi espektativa, pa sigui sostené kresementu di e industria aki.”
E ganadornan ta inkluí Denique Homer di Trinidad & Tobago pa ‘Animation’; Tony Coco-Viloin di French West Indies pa ‘Comedy’; Destiny Raphaela di Kòrsou, Kendall Barthelmy di St. Lucia i Akley Olton di St. Vincent pa ‘Documentary’; Rovendley Welvaart di Kòrsou i Jonathan Gift di Trinidad & Tobago pa Drama; Jo’Ardin Richardson di Anguilla i Anastasia Duncan di Guyana pa ‘Photo Essay’; i Alisha Mohammed di Trinidad & Tobago i Cornelius Grant di Jamaica pa ‘Science Fiction’.
E premionan general a varia di US$500 pa US$1000 kèsh, ku algun ganador tambe risibiendo e oportunidat pa figurá riba PlayGo, Amazon gift cards, i un miembresia di Adobe Premiere Pro. E ganador apsoluto a risibí US$2500 kèsh, un ‘Mentorship’ di Revolt TV, un biahe full pagá di 4 dia na LA i un entrada ‘all-access’ pa American Film Market.
Por download e PlayGo app grátis riba Google Play Store i Apple App Store. PlayGo ta brinda usuarionan televishon ki ora ku ta, i na unda ku ta. Por mira deporte ‘bibu’, eventonan regional, notisia lokal, pelíkula i programashon pa mucha den bo plant’e man. Esnan ku tin un Digicel Prime Bundle aktivá, tin un eksperensia aún mas mihó ya ku bo tin data dediká pa PlayGo. Ku e meta pa enfoká riba mas kontenido lokal i regional, i den esaki sostené e desaroyo den industria di pelíkula a proveé kreadornan lokal ku un plataforma i un oudiensia internashonal den e kompetensia PlayGo Emerge.
Willemstad,— “Jeon” Biggy Boy, ta rumbo pa Kòrsou pa su último presentashon. Ta trata di e evento Biggy Boy Forever “The Shutdown”i espektativanan ta haltu. E presentashon lo ta unu ku tei tuma luga den WTC riba 26 di desèmber próksimo.
Djasabra tras di lomba e artista, a publiká riba su ret sosial ku 26 di desèmber e lo ta den WTC ku su konsierto tan eksitoso “Biggy Boy Forever”. Den e kaso aki, e konsierto lo tin e nòmber Biggy Boy Forever “The Shutdown” debí ku e konsierto lo ta su último presentashon pa un periodo largu. For di komienso 2022 konsiertonan di Biggy Boy Forever tabata rementá kaya. E konsierto
WILLEMSTAD / SOEST – En kuadro di e diskulpa ku gobièrnu hulandes ta duna awe pa nan rol durante e époka di sklabitut, kantante Brian Dekkers huntu ku Mr. Ray Bass i Kilate Tesla ke rekordá pueblo e importansia di libertat real, kual ta kuminsá den nos mente. E kantika Freedom, Brian Dekkers ke duna atenshon na e deseo di kada un di nos, pa eksperensia libertat real den nos bida, sea ta libertat finansiero, libertat den nos abilidat di pensa i kere, of libertat pa stima i biba un bida ku propósito.
Banda di e diskulpa di gobièrnu hulandes dia 19 di Desèmber, lo lansa un aña di Konmemorashon di e Pasado di Sklabitut riba 1 di yüli 2023 te ku 1 di Yuli 2024. Aki lo duna atenshon spesial na nos pasado di sklabitut, un parti importante i doloroso ku anteriormente no a haña masha atenshon den nos historia. Den e konteksto aki, Gobièrnu Hulandes ta pone 2 mion euro tagram @mrraybass i Kilate Tesla na Instagram @kilatetesla pa mas muzik i presentashon.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
