Willemstad, Kòrsou – Òktober 20, 2021. Awe, ta nèt un aña pasá ku Digicel a lansa su mes komo Operador Digital. Usuarionan a demostrá enkanto pa e benefisionan di un estilo di bida digital ku Digicel a bin ta ofresé riba su ret di super potensia. Riba un dia manera awe, aña pasá, Digicel a lansa su mes komo un operador digital komprometé na ofresé klientenan 1440 minüt di eksperensia i interakshon digital via diferente app, den e fenomenal Prime Bundle, huntu ku e promesa di duna semper mas.

Esaki ta indikashon real kon un empresa ku talento i dedikashon digital por prevalesé riba te hasta empresanan grandi di Silicon Valley. E éksito ta keda midí ku sifra; 70% di usuario di data ya kaba ta usando i disfrutando di Digicel Prime Bundle. E ‘sentimentu’ di e kliente ta ‘trending’ ku sifranan di NPS (Net Promoter Score) ku kontinuamente ta oumentá. Pa pone simpel; klientenan ta enkantá nan bida digital.

Digicel su kompromiso di entregá semper mas ta keda kumplí den un serie di app vibrante ofresiendo kontenido real pa loke ta entretenimento i interakshon ku konstantemente ta krese i desaroyá miéntras e kliente ta hasi uso i disfrutá di nan diariamente.

E oumento den popularidat a hasi ku e ‘play list’ di D’Music, ku ántes tabata ofresé 15 mion kansion awor ta ofresé 55 mion kansion ku un meskla interesante di kontenido lokal, internashonal i premium; PlayGo, e ‘streaming’ app pa televishon ‘on the go’ a agregá 140 kanal di televishon pa awor ofresé un total di 160 kanal; e app di mensahe i merkado liber di benta, BiP awor ta konta ku mas di 500 partner entre nan lokal, ku ta ofresé un sin fin di oferta pa nos isla, i e app dediká na podcasting i radio, GoLoud, awor ta ofresé 380 stashon di radio ku ta kubri radio lokal i internashonal i tur género popular.

Ademas, for di su inisio, GoLoud a aserká un oudiensia den region ku previamente no a keda eksplorá ofresiendo un meskla interesante di podcast, radio lokal i ‘mix’ vibrante di Dj’s hasiendo GoLoud e app mas kresiente den merkado. Esaki ta meskos ku e app di notisia Loop ku a konsolidá su lugá komo é app pa notisia lokal i regional.

Manteniendo su promesa pa semper duna mas, kada app di Digicel lo ta selebrando e promé aniversario di Digicel komo Operador Digital ku premio, regalo i kontenido premium na abundansia. Klientenan por ta den espektativa pa un Shake to Win garantisá riba e MyDigicel app dia 20 di òktober; tambe 2GB di data grátis pa usa riba djárason 20 di òktober ku D’Music; kanalnan premium optenibel te ku dia 22 di òktober i 2GB grátis pa tur kliente usando PlayGo; i un siman di kontenido premium i 2GB grátis pa dia, pa tur usuario di SportsMax- i muchu mas!

Komentando riba un aña komo Operador Digital, Digicel CEO, Roeland van der Hoeven, a bisa; “Nos a pone nos region riba mapa komo sentro di inovashon digital. Komo Operador Digital, nos a habri un mundu di eksperensia digital, interakshon i posibilidat pa nos klientenan. Nos promesa ta pa sigui duna mas. Loke ta distinguí Digicel ta nos pasonan firme i determiná, den tur, esaki ta esun mas riesgá- un futuro digital.”

E ta añadí; “E ultimo aña aki nos a enfoká riba krea un base sólido di usuario ku ta interaktivo ku nos app i nos a enfoká riba promové e benefisionan di un estilo di bida digital i nos ret potente. Nos trabounan ta dunando fruta, ya ku klientenan ta pasa mas di 1440 minüt di nan dia ku Digicel.”