Uncategorized
11.6 mion florin literalmente riba kaya: Desinteres i deskuido kasi kriminal di gobernantenan ku plaka di pueblo
WILLEMSTAD. Aki 11 dia ta kumpli nèt tres aña pasá ku Kontraloria a manda un rapòrt pa Parlamento riba e deskuido i despresio total di respektivo mandatario i parlamentarionan pa buska drechi kon por kobra e miones di florin ku Parking Authority Curacao debe gobiernu.
Preguntanan ku Kontraloria a hasi na èks minister Zita Leito den su kalidat di minister responsabel pa e materia, a bai baki sushi en todo kaso nunka ela lanta e asuntu for di suela.
Na 2011 tambe Kontraloria a traha un rapòrt riba e hecho ku e kompania no ta pagando i gobiernu no ta kobrando pero ministernan di Finansa ta yorikia manera nan mama a muri ku no tin sèn.
E sèn tei pa kobra pero talbes ta pasobra manera un lektor a puntra, komo ku ta amigu politiko i kolaborador di kampaña, no ta kobra doño dje kompania.
E kaso ta k Parking Authority Curacao tin e kontrat ku gobiernu pa manehá e espasionan pa stashoná outo den Punda i Otrobanda.
Kontraloria a hasi tantu parlamento komo gobiernu diferente rekomendashon pa kobra e plaka i hasi pregunta manera ta nan derecho pa sa ki dia nan a tuma paso pa kobra e plaka riba kaya.
E luna aki ta hasi kasi tres aña ku a hala atenshon di gobiernu parlamento i ta bon momento pa puntra ki nan a hasi.
Tin mas motibu pa puntra pasobra durashon dje kontrat a kaba i de fakto e kompania no mag kobra outomobilistanan.
Tin otro kos tambe: fo prinsipio a determiná ku no por prolongá e kontrat i foi 31 di yanuari 2020 e kontrat a vense.
Kontraloria ke sa ki areglo gobiernu a firma ku e kompania pa nan keda sin paga. I konsiderando e hecho ku minister di Finansa ta riba su kabai pa kobra delaster sèn ku gobiernu tin riba kaya, ta manera intenshonalmente no ta kobrando e Parking Authority Curacao e suma mionario ku nan debe.
Na oktober di aña pasá Kontraloria a manda un karta pa e Sekretario General dje ministerio ku ta atende ku Parking ku e petishon pa informá nan kon kos ta pará i ki akshon nan a bai tuma.
MASHA PREGUNTA
Ta masha pregunta tin relashoná ku e tema aki.
Nan ke sa kiko ta bai pone den e akuerdo di maneho i kuantu e kompania tin ku paga gobiernu.
Kontraloria ke sa ta ken lo kobra e plaka e ministerio ku ta kai bou di charles Cooper of Ministerio di Finansa.
Tambe nan ke sa i dia e kontrat ta kabai riba ki base legal PAC ta kobrando klientenan pa stashon outo den Punda ku Otrobanda.
Lo tin medida pa garantisá e fasilidat aki den sentro di siudat of no.
A base di informashon ku Kontraloria a haña serka e Sekretario General di Ministerio di trafiko i Komunikashon, nada a sosode.
Pero ta p’esei mes kada bes ku pueblo pidi pa gobièrnu traha un fasilidat, semper minister Cooper ta kontesta ku no tin sèn. No tin sèn pasobra gobiernu no ke kobra Parking Authority.
SKOPJE – Stefan Andonovski minister enkargá ku e kartera di Transformashon digital na Macedonia a desmentí delaster un akusashon presentá pa Tarek William Saab.
E akusashon ta relashoná ku for di Macedonia a hack sistema di CNE (Consejo Nacional Electoral) pa oposishon gana elekshon presidensial na Venezuela.
Tarek Willliam Saab ku ta un mentiroso no bon na kabes segun Stefan Andonovski ta mal informá komunidat na Venezuela i komunidat Internashonal.
Ta trata aki di akusashonnan hopi serio di parti Tarek William Saab ku a manifestá ku nan pais a partisipá den un froude elektoral na Venezuela.
Stefan Andonovski a eksigí di Tarek Saab presentá ku prueba ku piratanan sibernetikonan na Macedonia a hack e sistema di servernan di CNE (Consejo Nacional Electoral) na Venezuela.
Tarek William Saab mester splika dikon CNE a gaña ku Nicolas Maduro a logra haña 52.21 % respaldo di voto kontra Edmundo González Urrutia su 44.2%.
Kaminda e resultado real tabata kompletamente otro.
Esaki ta nifiká ku ningun di e kriminalnan ku ta forma parti di e régimen di Nicolas Maduro no ta kordiná ku otro i awor nan ta bin gaña e pueblo.
E kampeon mundial indiskutí kategoria pisá Oleksandr Usyk ta pensa di regresá e kategoria krusero despues di su kombate di dia 21 di desèmber vs Tyson Fury. Usyk i Fury lo bringa revancha dia 21 di desèmber despues ku Usyk a gana pa desishon mayoritario. Fury a hasi uso dje oportunidat den su kontrakt pa pidi revancha. Usyk ku tabata kampeon mundial indikutí krusero kaba lo ke regresá e kategoria. E tin rekòrt di 22-0, ku 14 triunfo pa via rápido. Echo ta si, ku den e kategoria krusero no tin muchu bòksdó di kalidat. Ekspertonan ta bisa ku e kategoria krusero ta laf.
Sigur ta un bon notisia pa nos selekshon di futbòl di Kòrsou bou di direkshon di Remco Bicentini ya ku “Cuco” Martina ku tabata inaktivo a haña trabou.
Manera nos amigu i kolega Calili Ruiter a komentá awe mainta “Cuco” Martina a firma ku e tim Ulandes ku ta NAC di Breda.
Ku e firma aki Kòrsou tin sigur ku “Cuco” tin aktividat i lo por kontribuí mihó ku nos onsena.
Daily Nobo
Covid-19 Statistics
Hamas a konfirmá ku nan lider a keda asesiná pa un misil na Iran
Antony Blinken a afirmá ku Merka no ta impliká den asesinato di Ismail Haniyeh
Maduro ta vinkulá: Lider di Tren de Aragua responsabel den e protesta kontra resultado ofisial elektoral
Gobiernu merikano a manda atvertensia: Serio den direkshon di Nicolas Maduro relashoná ku resultado di elekshon
