Yunan di Kòrsou rònt mundu ta konmemorá lucha di Tula awe

WILLEMSTAD – E konmemorashon anual di Tula awe, ta un dia importante pa hopi yu di Kòrsou, tur kaminda na mundu. Na Hulanda tambe ta organisá varios aktividat.
E aña aki e atenshon ta dirigi riba e konmemorashon na Kòrsou, awe nochi, kaminda un delegashon di miembronan di Tweede Kamer lo ta presente.
E lider di delegashon, Kiki Hagen (D66), na nòmber di e komishon pa Asuntunan Interno, ta pone un krans. E parlamentarionan hulandes ta bishita tambe parlamento di Kòrsou, Gobernador i Konseho di Minister.
Mañan nan ta sigi e Ruta di Tula i ta bishita varios sitio. Tambe tin riba programa, enkuentro ku habitantenan i un bishita na Universidat di Kòrsou.
E delegashon ta investiga e pasado kolonia di Hulanda i ta konsentra su mes riba e pasado di sklabitut, komo preparashon pa otro aña, ora ta tin konmemorashon di abolishon di sklabitut.
E miembronan di Tweede Kamerleden, ku na nòmber di e komishon pa Asuntunan Interior ta bishita Kòrsou ku Boneiru, ta : Kiki Hagen (lider di delegashon , D66), Salima Belhaj (D66), Inge van Dijk (CDA), Renske Leijten (SP), Kati Piri (PvdA), Jesse Klaver (GroenLinks), Don Ceder (CU), Sylvana Simons (BIJ1) i Marieke Koekkoek (Volt).